গাজাত সাধাৰণ নাগৰিকক সাহায্য দিয়াত বাধা দিয়াৰ অভিযোগ উত্থাপন হোৱাৰ সময়তে ইজৰাইলক অস্ত্ৰ বিক্ৰী বন্ধ কৰাৰ সন্দৰ্ভত আমেৰিকাই চেনেটত ভোটদান কৰিবলৈ সাজু ।
স্বতন্ত্ৰ চিনেটৰ বাৰ্নি চেণ্ডাৰছে এই প্ৰস্তাৱ আনি এক বিবৃতিত কয়, ‘গাজাত যুদ্ধ প্ৰায় সম্পূৰ্ণৰূপে আমেৰিকাৰ কৰদাতাৰ ধন আৰু যোগান ধৰা অস্ত্ৰৰে চলি আছে। ইজৰাইলে আমেৰিকাৰ অস্ত্ৰ ব্যৱহাৰ কৰি জনবসতিপূৰ্ণ অঞ্চলত বোমা বিস্ফোৰণ কৰি শ শ সাধাৰণ নাগৰিকক হত্যা কৰিছে, যিটো অনৈতিক আৰু অবৈধ।”
ইজৰাইলৰ প্ৰতি ডেম’ক্ৰেট আৰু ৰিপাব্লিকান উভয়ৰে প্ৰবল সমৰ্থনে এই প্ৰস্তাৱসমূহ গৃহীত হোৱাৰ সম্ভাৱনা কম কৰি তুলিছে। কিন্তু বহুতে বিশ্বাস কৰে যে ইয়াৰ ফলত ইজৰাইল চৰকাৰ আৰু ৰাষ্ট্ৰপতি জো বাইডেনৰ প্ৰশাসনক গাজাত অসামৰিক সুৰক্ষা নিশ্চিত কৰাৰ বাবে ফলপ্ৰসূ পদক্ষেপ গ্ৰহণ কৰিবলৈ প্ৰেৰণা যোগাব পাৰে।
গাজাৰ ২৩ লাখ লোকৰ অধিকাংশই স্থানচ্যুত হৈছে। খাদ্যৰ অভাৱত সমগ্ৰ অঞ্চলটো ভয়াৱহ দুৰ্ভিক্ষৰ আশংকা। ১৩ মাহৰ ইজৰাইলী দখলত প্ৰায় ৪৪ হাজাৰ পেলেষ্টাইনী নিহত হৈছে বুলি গাজাৰ স্বাস্থ্য বিষয়াসকলে প্ৰকাশ কৰিছে।
এই প্ৰস্তাৱৰ সহযোগী পৃষ্ঠপোষকতা কৰিছিল ডেম’ক্ৰেটৰ চিনেটৰ জেফ মাৰ্কলি আৰু পিটাৰ ৱেলচে। ইয়াত ১২০ মিমি মৰ্টাৰৰ গুলী আৰু যৌথ প্ৰত্যক্ষ আক্ৰমণৰ অস্ত্ৰ-শস্ত্ৰ (জেডিএএম) বিক্ৰী নিষিদ্ধ কৰাৰ আহ্বান জনোৱা হৈছে। আনহাতে, ডেম’ক্ৰেট চিনেটৰ ব্রায়ান শ্বাটজে আন এটা প্রস্তাৱ উত্থাপন কৰিছে, য’ত টেংকৰ গোলাবাৰুদ বিক্ৰী নিষিদ্ধ কৰাৰ আহ্বান জনোৱা হৈছে।
বয়িং কোম্পানীয়ে নিৰ্মাণ কৰা জেডিএএমক প্ৰচলিত বোমাক নিখুঁতভাৱে নিৰ্দেশিত বোমালৈ ৰূপান্তৰিত কৰাৰ প্ৰযুক্তি হিচাপে ব্যৱহাৰ কৰা হয়।
২০২৩ চনৰ অক্টোবৰ মাহত হামাছে ইজৰাইলৰ ওপৰত আক্ৰমণ চলোৱাৰ পিছৰে পৰা বাইডেন ইজৰাইলৰ তীব্ৰ সমৰ্থক হৈ পৰে। কিন্তু যোৱা মাহত বাইডেন প্ৰশাসনে ইজৰাইলক সকীয়াই দিয়ে যে যদিহে ৩০ দিনৰ ভিতৰত গাজালৈ সাহায্য প্ৰদান উন্নিত নহয় তেন্তে সামৰিক সাহায্য সীমিত হ’ব।
সময়সীমাৰ শেষত বাইডেন প্ৰশাসনে কয় যে ইজৰাইলে সকাহ প্ৰদানৰ ক্ষেত্ৰত লাহে লাহে কিন্তু সন্তোষজনক অগ্ৰগতি লাভ কৰিছে।