গুৱাহাটী, ২২ নৱেম্বৰঃ এটা সপ্তাহৰ ভিতৰতে ৰাষ্ট্ৰীয় ৰেংকিং টেনিছ প্ৰতিযোগিতাত পুনৰ খিতাপ জয় কৰিবলৈ সক্ষম হৈছে অসমৰ প্ৰতিভাবান খেলুৱৈ ফাগুন জ্যোতিয়ে(Fagunjyoti)৷
গুৰুগ্ৰামত অনুষ্ঠিত আইটা(AITA) ৰাষ্ট্ৰীয় ৰেংকিং চেম্পিয়নশ্বিপ(Championship Ranking) ছিৰিজ টেনিছত(National Tennis Tournament) ছোৱালীৰ ১২ বছৰ অনূধ্বৰ্ৰ ডাবলছ শাখাত খিতাপ লাভ কৰা ফাগুন জ্যোতিয়ে প্ৰতিযোগিতাখনত ১২ বছৰ অনূধ্বৰ্ৰ একক শাখাত ৰানাৰ্ছ আপ হৈছে৷
সদৌ অসম টেনিছ সন্থাৰ(Assam Tennis Association) প্ৰশিক্ষাৰ্থী তথা গুৱাহাটীৰ হলি চাইল্ড স্কুলৰ ছাত্ৰী ফাগুন জ্যোতিয়ে যোৱা সপ্তাহত হাৰিয়ানা ৰোহটকত অনুষ্ঠিত আইটাৰ ৰেংকিং প্ৰতিযোগিতাখনত ১৪ বছৰ অনূধ্বৰ্ৰ ডাবলছ শাখাত খিতাপ জয় কৰাৰ বিপৰীতে ১২ বছৰ অনূধ্বৰ্ৰ একক শাখাত ৰানাৰ্ছআপ হৈছিল৷
ক্ৰমাগত দুখনকৈ ৰাষ্ট্ৰীয় ৰেংকিং প্ৰতিযোগিতাত খিতাপ লাভ কৰা ফাগুন জ্যোতিক এই সফলতাৰ বাবে অসম টেনিছ সন্থাৰ সম্পাদক অংকুশ দত্তই অভিনন্দন জনাইছে৷