বৰ্তমান বিশ্বৰ অন্যতম ধনী ব্যক্তি হৈছে এক্সৰ চিইঅ’ ইলন মাস্ক। শেহতীয়াকৈ তেওঁৰ নেট ৱৰ্থো প্ৰচণ্ডভাৱে বৃদ্ধি পাইছে। টেছলাৰ শ্বেয়াৰৰ মূল্য তীব্ৰভাৱে বৃদ্ধি পোৱাৰ ফলত মাস্কৰ সম্পত্তি ৩১৪ বিলিয়ন ডলাৰলৈ বৃদ্ধি পাইছে। এই বছৰ মাস্কৰ সম্পত্তি ৮৪.৭ বিলিয়ন ডলাৰলৈ বৃদ্ধি পাইছে। কিন্তু এই বছৰ মাস্কতকৈ বেছি উপাৰ্জন কৰা এজন ব্যক্তি আছে। আচৰিত কথাটো হ’ল তেওঁৰ নাম এতিয়াও বিশ্বৰ শীৰ্ষ দহজন ধনী ব্যক্তিৰ তালিকাত নাই।
শ্বেয়াৰ বজাৰত টেছলাৰ উত্থানৰ পিছত বিশ্বৰ বাকী ধনী লোকসকলতকৈ মাস্কৰ অৱস্থা বহুত ভাল। তেওঁৰ পিছতে আমাজনৰ প্ৰতিষ্ঠাপক জেফ বেজোছ। তেওঁৰ সম্পত্তিৰ পৰিমাণ ২৩০ বিলিয়ন ডলাৰ। কিন্তু এই বছৰ মাস্কৰ সম্পত্তি ৮৪.৭ বিলিয়ন ডলাৰ বৃদ্ধি পালেও ২০২৪ চনত শীৰ্ষ উপাৰ্জনকাৰীৰ তালিকাত তেওঁৰ নাম নাই। তেওঁৰ ঠাইত এনভিডিয়াৰ চিইঅ’ জেনচেন হুয়াঙে শীৰ্ষ স্থান দখল কৰে। এই বছৰ তেওঁৰ সম্পত্তি ৮৪.৮ বিলিয়ন ডলাৰলৈ বৃদ্ধি পাইছে। অৱশ্যে তেওঁৰ মুঠ সম্পত্তি এতিয়া ১২৯ বিলিয়ন ডলাৰ। বিশ্বৰ শীৰ্ষ ধনী লোকৰ তালিকাত তেওঁৰ স্থান ১১ নম্বৰ।
শেহতীয়াকৈ এনভিডিয়াই এপলক অতিক্ৰম কৰি বিশ্বৰ আটাইতকৈ মূল্যৱান কোম্পানী হিচাপে পৰিগণিত হৈছে। বৰ্তমান এনভিডিয়াৰ মাৰ্কেট কেপ ৩.৬২১ ট্ৰিলিয়ন ডলাৰ আৰু এপলৰ মাৰ্কেট কেপ ৩.৪৩০ ট্ৰিলিয়ন ডলাৰ। জেনচেন হুয়াঙৰ পিছতে দ্বিতীয় স্থানত আছে ফেচবুকৰ চিইঅ’ মাৰ্ক জুকাৰবাৰ্গ। আনহাতে, বিশ্বৰ আটাইতকৈ বেছি ক্ষতিগ্ৰস্ত হৈছে ফ্ৰান্সৰ ব্যৱসায়ী বাৰ্নাৰ্ড আৰ্নল্ট আৰু এল ভি এম এইচৰ চি ই অ’। এই বছৰ তেওঁৰ সম্পত্তিৰ পৰিমাণ ৩৫.৩ বিলিয়ন ডলাৰ হ্ৰাস পাই ১৭২ বিলিয়ন ডলাৰ হৈছে। ফলত তেওঁ পৃথিৱীৰ পঞ্চম ধনী ব্যক্তি।