শেহতীয়াকৈ প্ৰাক্তন ক্ৰিকেটাৰ তথা নেতা নৱজোৎ সিং সিদ্ধুৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত তেওঁ পত্নীৰ স্তন কেন্সাৰ চিকিৎসাৰ অভিজ্ঞতাৰ বিষয়ে শ্বেয়াৰ কৰিছে।(Navjot Singh Sidhu)ভিডিঅ’টোত তেওঁ কৈছে যে তেওঁৰ পত্নীয়ে কাৰ্বহাইড্ৰেট আৰু চেনি ত্যাগ কৰি খাদ্য তালিকাত হালধি আৰু নিমপাত অন্তভুক্ত কৰি মাৰাত্মক কৰ্কট ৰোগক পৰাস্ত কৰিছিল। বৰ্তমান এই ভিডিঅ’টো যথেষ্ট চৰ্চালৈ আহিছে।(Cancer)
আনহাতে বিশেষজ্ঞসকলে কয় যে বৈজ্ঞানিক প্ৰমাণ অবিহনে ঘৰুৱা উপায়েৰে কৰ্কট ৰোগৰ দৰে গুৰুতৰ ৰোগৰ চিকিৎসা সম্ভৱ নহয়। ইণ্ডিয়ান কাউন্সিল অৱ মেডিকেল ৰিচাৰ্চ (আই চি এম আৰ) আৰু অন্যান্য আগশাৰীৰ স্বাস্থ্য সংস্থাৰ তথ্য অনুসৰি অস্ত্ৰোপচাৰ, কেমোথেৰাপি আৰু ৰেডিঅ’থেৰাপিৰ দৰে প্ৰমাণিত ব্যৱস্থাৰেহে কৰ্কট ৰোগৰ চিকিৎসা কৰিব পৰা যায়।(neem leaves)
বহু গৱেষণা চলি আছে, য’ত হালধি আৰু নিমৰ দৰে মৌলৰ কেন্সাৰ প্ৰতিৰোধী এজেণ্টৰ অনুসন্ধান চলি আছে। কিন্তু এই পদাৰ্থবোৰ যে কৰ্কট ৰোগৰ চিকিৎসাত ফলপ্ৰসূ সেইটো প্ৰমাণ কৰিব পৰাকৈ এতিয়ালৈকে কোনো উচ্চমানৰ প্ৰমাণ পোৱা নাই। চিকিৎসকে কয় যে এনেধৰণৰ দাবী বিশ্বাস কৰি ৰোগীয়ে চিকিৎসাত বিলম্ব ঘটাব পাৰে, যাৰ ফলত পৰিস্থিতি অধিক ভয়াৱহ হ’ব পাৰে।(turmeric)
Issued in public interest pic.twitter.com/gMuCTZmwzZ
— Pramesh CS (@cspramesh) November 23, 2024
চিকিৎসকে কয় যে প্ৰাথমিক পৰ্যায়ত কৰ্কট ৰোগ ধৰা পৰিলেহে ইয়াৰ চিকিৎসা ফলপ্ৰসূ হয়। ভুল আৰু প্ৰমাণিত নোহোৱা চিকিৎসাৰ প্ৰচেষ্টাৰ ফলত ৰোগ নিৰ্ণয় আৰু চিকিৎসাত পলম হয়।
ছ’চিয়েল মিডিয়াত ভাইৰেল হোৱা বিভ্ৰান্তিকৰ দাবীক বিশ্বাস নকৰিবলৈ জনসাধাৰণক আহ্বান জনাইছে টাটা মেম’ৰিয়েল হাস্পতালে জাননী জাৰি কৰিছে। কেন্সাৰৰ কোনো লক্ষণ দেখা দিলে লগে লগে চিকিৎসকৰ পৰামৰ্শ লব। সঠিক সময়ত সঠিক চিকিৎসাৰ দ্বাৰা কৰ্কট ৰোগৰ সফল চিকিৎসা কৰিব পাৰি। ছ’চিয়েল মিডিয়াত বিয়পি পৰা এনে দাবীয়ে মানুহক বিপথে পৰিচালিত কৰিব পাৰে। গতিকে যিকোনো ঘৰুৱা প্ৰতিকাৰ গ্ৰহণ কৰাৰ আগতে বিশেষজ্ঞৰ পৰামৰ্শ গ্ৰহণ কৰি কৰ্কট ৰোগৰ চিকিৎসাত প্ৰমাণিত চিকিৎসা পদ্ধতিক অগ্ৰাধিকাৰ দিব লাগে।