শিলচৰ, ২৪ নৱেম্বৰঃ ধলাইত বিজেপি প্ৰাৰ্থী নীহাৰ ৰঞ্জন দাসৰ জয়লাভ(BJP defeated Congress in Dhalai)। কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থক পৰাস্ত কৰে তেওঁ।(Assam By-Election) বৃহৎ ভোটৰ ব্যৱধানত জয়লাভ কৰে বিজেপি প্ৰাৰ্থীগৰাকীয়ে। প্ৰায় ৯ হাজাৰ ৯৮টা ভোটত জয়ী নীহাৰ ৰঞ্জন দাস।
অতি আকৰ্ষণীয় হৈ পৰিছিল নীহাৰ ৰঞ্জন দাস আৰু ধ্ৰুৱজ্যোতি মাজৰ যুঁজ। অৱশেষ শেষ হাঁহি মাৰিলে বিজেপি প্ৰাৰ্থী নীহাৰে। এইদিনা প্ৰথম ৰাউণ্ডৰ পৰা বিজেপি প্ৰাৰ্থী নীহাৰ ৰঞ্জন দাস আগুয়াই যায়। প্ৰথম ৰাউণ্ডৰ দুই হাজাৰতকৈ বেছি ভোট লাভ কৰি বিজেপি প্ৰাৰ্থী আগুৱাই যায়।
এইদিনা ধলাই বিধানসভা সমষ্টিৰ উপ নিৰ্বাচনত ৯০৯৮টা ভোটৰ ব্যৱধানত জয়লাভ কৰে বিজেপি প্ৰাৰ্থী নীহাৰ ৰঞ্জন দাসে। শনিবাৰৰ দিনা ধলাই বিধানসভা উপ-নিৰ্বাচনৰ সম্পূৰ্ণ ভোট গননাৰ পিছত বিজেপিয়ে লাভ কৰে ৬৯৯৪৫টা ভোট আৰু কংগ্ৰেছ প্ৰাৰ্থীয়ে লাভ কৰে ৬০৮৪৭টা ভোট।
বিজয়ী হোৱাৰ পিছত আইএছটিটি চৌহদত বিজেপি সমৰ্থকসকলে ফটকা ফুটাই আৰু আবিৰ দলিয়াই আনন্দ উল্লাস কৰে। নীহাৰ ৰঞ্জন দাসে বক্তব্যত এই বিজয়ক ৰাইজৰ বিজয় তথা ধলাইবাসীক উৎসৰ্গ কৰে। বিজেপি চৰকাৰে সদায় ৰাইজৰ স্বাৰ্থত কাম কৰি অহাৰ বাবেই এই বিজয়ৰ কাৰণ বুলিও তেওঁ কয়।
ভৱিষ্যতে ধলাইৰ উন্নয়নক আৰু আগুৱাই নিবলৈ তেওঁ দৃঢ়প্ৰতিজ্ঞ।(Muslim-dominated Constituency) নীহাৰঞ্জন দাসে ধলাইবাসীৰ লগতে মুখ্যমন্ত্ৰী তথা অভিভাৱক মন্ত্ৰী জয়ন্তমল্ল বৰুৱা, মন্ত্ৰী পীযুষ হাজৰিকাক ধন্যবাদ জ্ঞাপন কৰে। ইফালে, ধলাইত বিজেপি প্ৰাৰ্থী নিহাৰ ৰঞ্জন দাসে জয়লাভ কৰাৰ পিছত উপ-নিৰ্বাচনৰ ভাৰপ্ৰাপ্ত বিধায়ক কৌশিক ৰায় আৰু সাংসদ পৰিমল শুক্লবৈদ্যই সন্তোষ প্ৰকাশ কৰে। ভোট গণনাৰ প্ৰথম ৰাউণ্ডত বিজেপি প্ৰাৰ্থী ৫৩১৯টা আৰু কংগ্ৰেছ প্ৰাৰ্থীয়ে ৩১৬৫টা ভোট লাভ কৰে।
দ্বিতীয় ৰাউণ্ডত বিজেপি প্ৰাৰ্থী নীহাৰ ৰঞ্জন দাসে ৫৫৫৭টা আৰু কংগ্ৰেছ প্ৰাৰ্থী ৩৬৩০টা লাভ কৰে। বিজেপি প্ৰাৰ্থী ৪০৭৪ টা ভোটত আগুৱাই যায়। তৃতীয় ৰাউণ্ডত বিজেপি প্ৰাৰ্থী ৫৯৮০টা আৰু কংগ্ৰেছ প্ৰাৰ্থী ৩২৭৭ টা ভোট লাভ কৰে। এই ৰাউণ্ডত ১০০৬৪ ভোটত অগ্ৰসৰ হয় বিজেপি।
চতুৰ্থ ৰাউণ্ডৰ পিছত ধলাই বিধানসভা সমষ্টিত ৮৪৩৩টা ভোটত আগবাঢ়ে বিজেপি প্ৰাৰ্থী নিহাৰ ৰঞ্জন দাস। চতুৰ্থ ৰাউণ্ডৰ পিছত বিজেপিয়ে লাভ ২২১১৮ ভোট আৰু কংগ্ৰেছে ১৩৬৮৫ ভোট লাভ কৰে। পঞ্চম ৰাউণ্ডত বিজেপি প্ৰাৰ্থী ৫২১৩ টা আৰু কংগ্ৰেছ প্ৰাৰ্থী ৩০০৫ টা ভোট লাভ কৰে।
বিজেপি প্ৰাৰ্থীৰ ভোট ২৭ ৪০৩ আৰু কংগ্ৰেছ প্ৰাৰ্থী ১৬৬৯৮ টা ভোট লাভ কৰে।এই ৰাউণ্ডত ১০৭০৫ ভোটত বিজেপি প্ৰাৰ্থী আগুৱাই যায়।ষষ্ঠ ৰাউন্ডৰ গণনাৰ অন্তত ৪৯১৩ ভোটত অগ্রগতি বিজেপি প্রার্থী নীহাৰ ৰঞ্জন দাসে৷বিজেপিয়ে মোট ভোট লাভ কৰে ২৯২৩৫ আৰু কংগ্ৰেছে লাভ কৰে ২৪৩২২ টা ভোট।
সপ্তম ৰাউণ্ডত নীহাৰ ৰঞ্জন দাসে ৩৩২১৯ টা ভোট লাভ কৰে আৰু কংগ্ৰেছ প্ৰাৰ্থী ২৯৯১৪ টা ভোট লাভ কৰে। এই ৰাউণ্ডত ৩৩০৫ টা ভোটত বিজেপি প্ৰাৰ্থী আগুৱাই যায়। অষ্টম ৰাউণ্ডত বিজেপি প্ৰাৰ্থী ৩৬৫৯২ টা ভোট আৰু কংগ্ৰেছ প্ৰাৰ্থী ৩৪৮৩১ টা ভোট লাভ কৰে।এই ৰাউণ্ডত কংগ্ৰেছ প্ৰাৰ্থীৰ সৈতে ব্যবধান কমি আহে ১৭৬১ টা ভোটত আগুৱাই যায়।
এই ৰাউণ্ডত সংখ্যালঘু এলেকা ভাগা বজাৰৰ ভোট গ্ৰহণ হয়। ইয়াৰ বাবে সংখ্যালঘু ভোটৰ জৰিয়তে কংগ্ৰেছ প্ৰাৰ্থীৰ ব্যবধান কমি আহে। নবম ৰাউণ্ডত বিজেপি প্ৰাৰ্থী ৪০৫১৪ টা আৰু কংগ্ৰেছ প্ৰাৰ্থী ৩৯৯৪৭ টা ভোট লাভ কৰে। ইয়াত দুই প্ৰাৰ্থী মাজত ভোটৰ ব্যৱধান কমি ৫৬৭ টা হয়। দশম ৰাউন্ডৰ ভোট গণনাৰ পিছত ৩৪৩৮ ভোটত অগ্রগতি বিজেপি প্রার্থী নীহাৰ ৰঞ্জন দাসে৷
১১ ৰাউণ্ডৰ ভোটগণনাৰ অন্তত বিজেপি প্ৰাৰ্থী ৫০৯৭৫ টা ভোট লাভ কৰে আৰু কংগ্ৰেছ প্ৰাৰ্থী ৪৫২৫৮ টা ভোট লাভ কৰে। ইয়াত আগবাঢ়ি যায় ৫৭১৭টা ভোটৰ ব্যৱধানত। ১২ ৰাউণ্ডত বিজেপি প্ৰাৰ্থী ৫৫৬৫২ আৰু কংগ্ৰেছ প্ৰাৰ্থী ৪৮৮২১টা ভোট লাভ কৰে। ইয়াত বিজেপি প্ৰাৰ্থী৬৮৩১ ভোটত আগুৱাই যায়।
১৩ ৰাউণ্ডত বিজেপি প্ৰাৰ্থী ৬০৯৪৫ টা ভোট আৰু কংগ্ৰেছ প্ৰাৰ্থী ৫১৬৪৮ টা ভোট লাভ কৰে। এই ৰাউণ্ডত বিজেপি প্ৰাৰ্থী ৯২৯৭টা ভোটত আগুৱাই যায়। ১৪ ৰাউণ্ডত বিজেপি প্ৰাৰ্থী ৬৫৩৬৬ টা ভোট লাভ কৰে আৰু কংগ্ৰেছ প্ৰাৰ্থী ৫৫৪৯৭টা ভোট লাভ কৰে। ইয়াত বিজেপি প্ৰাৰ্থী ৯৮৭৯ টা ভোটত আগুৱাই যায়।
শেষ ৰাউণ্ডত বিজেপি প্ৰাৰ্থী ৬৮৭৫৯টা ভোট লাভ কৰে আৰু কংগ্ৰেছ প্ৰাৰ্থী ৫৯৭৪২ টা ভোট লাভ কৰে। এই ৰাউণ্ডত বিজেপি প্ৰাৰ্থী ৯০২৭টা ভোটত আগুৱাই কংগ্ৰেছ প্ৰাৰ্থীক পৰাস্ত কৰে। পিছত সৰ্বমুঠ বিজেপি প্ৰাৰ্থী নীহাৰ ৰঞ্জন দাসে ৬৯৯৪৫টা ভোট লাভ কৰে আৰু কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থদেৱে ৬০৮৪৭টা ভোট লাভ কৰে।
ইয়াৰ ফলত বিজেপি প্ৰাৰ্থী নীহাৰ ৰঞ্জন দাসে ৯০৯৮টা ভোট লাভ কৰি বিজয়ী হয়। ইপিনে নিৰ্দলীয় প্ৰাৰ্থী অমলেন্দু দাসে ৫০৬১ ভোট লাভ কৰি তৃতীয় স্থান লাভ কৰে। তদুপৰি নোটাই ১৫২৮টা ভোট লাভ কৰি চতুৰ্থ স্থান লাভ কৰে। এইদিনা শান্তি শৃংখলাৰে শিলচৰৰ আইএছটিটি ভোট গ্ৰহণ অনুষ্ঠিত হয়।