ইলেক্ট্ৰিক গাড়ী নিৰ্মাতা কোম্পানী টেছলাৰ চিইঅ’ ইলন মাস্কে ব্যক্তিগত সম্পদৰ নতুন অভিলেখ গঢ়িলে। তেওঁৰ সম্পত্তি এতিয়া ৩৪৮ বিলিয়ন ডলাৰ।
সোমবাৰে (২৪ নৱেম্বৰ) ব্লুমবাৰ্গ বিলিয়নাৰ সূচকাংকৰ ভিত্তিত দ্য নিউজ ইণ্টাৰনেশ্যনেলে এনে বাতৰি প্ৰকাশ কৰিছে।
আমেৰিকাৰ ৰাষ্ট্ৰপতি নিৰ্বাচনত ড’নাল্ড ট্ৰাম্প জয়ী হোৱাৰ পিছৰে পৰা টেছলাৰ শ্বেয়াৰৰ মূল্য বৃদ্ধি পাইছে। ইয়াৰ জৰিয়তে ইলন মাস্কে ইতিহাসৰ শীৰ্ষতম ধনী স্থান দখল কৰিছে।
আমেৰিকাৰ নিৰ্বাচনৰ দিনৰে পৰা টেছলাৰ শ্বেয়াৰ ৪০ শতাংশ বৃদ্ধি পাইছে। মাত্ৰ যোৱা শুকুৰবাৰেহে শ্বেয়াৰৰ মূল্য ৩.৮ শতাংশ বৃদ্ধি পাই ৩৫২.৫৬ ডলাৰ হয়। এই হাৰ তিনি বছৰতকৈ অধিক সময়ৰ ভিতৰত সৰ্বাধিক।
ইয়াৰ জৰিয়তে মাস্কৰ সম্পত্তি ৭ বিলিয়ন ডলাৰ বৃদ্ধি পাইছে। ইয়াৰ ফলত তেওঁৰ নেট ৱৰ্থে পূৰ্বৰ অভিলেখ অতিক্ৰম কৰিলে। ইয়াৰ পূৰ্বে ২০২১ চনৰ নৱেম্বৰ মাহত এই অভিলেখ গঢ়িছিল। সেই সময়ত তেওঁৰ সম্পত্তিৰ পৰিমাণ আছিল ৩২ হাজাৰ ৩ কোটি ডলাৰ।
ট্ৰাম্পৰ সৈতে মাস্কৰ ঘনিষ্ঠ সম্পৰ্কই মূলধনী বজাৰৰ বিনিয়োগকাৰীক আস্থা প্ৰদান কৰিছে। ট্ৰাম্পক সমৰ্থন কৰাৰ পিছত মাস্কে তেওঁৰ প্ৰচাৰ পুঁজিলৈ ১০ কোটি ডলাৰতকৈ অধিক বৰঙণি আগবঢ়ায়।
ট্ৰাম্পে ইলন মাস্কক নিজৰ প্ৰশাসনত চৰকাৰী দক্ষতা বিভাগৰ অধ্যক্ষ হিচাপে নিযুক্তি দিবলৈ ওলাইছে। ই হ’ব নতুন বিভাগ। বায়’টেকন’লজীৰ উদ্যোগী বিবেক ৰামাস্বামীয়েও মাস্কৰ সৈতে তাত কাম কৰিব।
টেছলাৰ উপৰিও কৃত্ৰিম বুদ্ধিমত্তা আৰু মহাকাশ যান নিৰ্মাণৰ দৰে উদ্যোগেও ইলন মাস্কৰ সম্পদ বৃদ্ধিত ভূমিকা গ্ৰহণ কৰিছে।
বিশ্বৰ দ্বিতীয় ধনী ব্যক্তি লেৰী এলিছনৰ তুলনাত বিশ্বৰ আটাইতকৈ ধনী ব্যক্তি ইলন মাস্কৰ মূল্য ৮ বিলিয়ন ডলাৰ বেছি। লেৰী এলিছনৰ সম্পত্তিৰ পৰিমাণ ২৩,৫০০ মিলিয়ন ডলাৰ।