Toothpaste । সকলোৱে জানে যে দাঁত টুথপেষ্টেৰে চাফা কৰা হয়। কিন্তু দাঁত পৰিষ্কাৰ কৰাৰ বাহিৰেও কিমানজনে জানে যে টুথপেষ্ট ঘৰুৱা বিভিন্ন কামত ব্যৱহাৰ কৰিব পাৰি?
টুথপেষ্টৰ বিভিন্ন ব্যৱহাৰ…
১. জোতা চাফা কৰিবলৈ টুথপেষ্ট অতি উপযোগী। স্নিকাৰ বা চামৰাৰ জোতা শুকান কোমল কাপোৰেৰে ঘঁহিলে আপোনাৰ বোকাময় জোতাযোৰ নতুনৰ দৰে জিলিকি উঠিব।
২. ঘৰত ল’ৰা-ছোৱালী থাকিলে বেৰত আঁচোৰ মাৰিলে শুকান কাপোৰেৰে মচিব পাৰিব ।
৩. বাথৰুমৰ আইনাখনত ভাপ জমা হ’লে টুথপেষ্ট ব্যৱহাৰ কৰি এই সমস্যাৰ পৰা পৰিত্ৰাণ পাব পাৰি। আইনাখনত জেল টুথপেষ্ট লগাই পাতল কাপোৰেৰে পৰিষ্কাৰ কৰক।
৪. চাহ বা কফিৰ মগত হালধীয়া ৰঙৰ দাগ আঁতৰাবলৈ প্ৰথমে টুথপেষ্ট কিছু সময়ৰ বাবে লগাব লাগে। পাছত ভালদৰে ধুই পৰিষ্কাৰ কৰি লওক। নিমিষতে জিলিকি উঠিব।
৫. ৰান্ধি লোৱাৰ পিছত হাতৰ পৰা পিয়াঁজ-নহৰুৰ গোন্ধটো আঁতৰাবলৈ টুথপেষ্ট কেইটোপালমান হাতত ঘঁহিলে দুৰ্গন্ধ নিমিষতে নাইকিয়া হৈ যাব।
৬/ হঠাতে কাপোৰত কলমৰ দাগ পৰিল? চিন্তাৰ কোনো কোৰণ নাই। টুথপেষ্টৰ সহায়ত সোনকালে দাগ আঁতৰাব পাৰি। দাগ আঁতৰ হ’লে কাপোৰখন ডিটাৰজেণ্টেৰে ধুব লাগে। আপুনিও একেদৰে লিপষ্টিকৰো দাগ আঁতৰাব পাৰে।
৭. স্পঞ্জত টুথপেষ্টেৰে চিঙ্কটো স্ক্রাব কৰি পানীৰে ধুই পেলাওক। ঝলমলীয়া হোৱাৰ উপৰিও দুৰ্গন্ধবোৰো আঁতৰোৱা হ’ব।
৮. কাঠৰ আচবাবত পানীৰ দাগ আঁতৰাবলৈ টুথপেষ্ট ব্যৱহাৰ কৰক।
৯. কাৰ্পেটত চাহ বা কফিৰ দাগ পৰিলে তাৰ ওপৰত টুথপেষ্ট কিছু ঘঁহি চাফা কৰিব।
১০. লোহাৰ আগফালে থকা দাগবোৰে কাপোৰ লেতেৰা কৰিলে কোমল কাপোৰ এখনেৰে টুথপেষ্টেৰে পৰিষ্কাৰ কৰি আন এখন কাপোৰেৰে মচি দিব।
১১. পুৰণি কোমল ব্ৰাছত অলপ টুথপেষ্ট লগাওক। ইয়াৰ পিছত ৰূপৰ গহনাবোৰ লাহে লাহে তাৰ লগত ঘঁহি লওক। ইয়াৰ পিছত পাতল কাপোৰেৰে লাহে লাহে মচি পৰিষ্কাৰ কৰক। ক’লা দাগ ওলাব আৰু সম্পূৰ্ণ চিকচিকিয়া হৈ পৰিব।