আজি পুৱতিনিশা ৰঙিয়াৰ ৩১নং ৰাষ্ট্ৰীয় ঘাইপথৰ কাষত থকা স্বস্তি হস্পিতালৰ সন্মুখত গুৱাহাটী অভিমুখি এ এছ-०১-জেচি- ৫৪৮৬ নম্বৰৰ ম’হ কঢ়িওৱা ট্ৰাক এখন দুৰ্ঘটনাগ্ৰস্ত হয় ।
উল্লেখ যোগ্য যে ট্ৰাকখনত ২৪ টাকৈ ম’হ আছিল । ইয়াৰ ভিতৰত ২ টাকৈ ম’হৰ মৃত্যু হৈছে । বাকী ২২ টা ম’হ ৰঙিয়া মূৰাৰাৰ স্থানীয় যুৱক সকলৰ সহযোগত উদ্ধাৰ কৰি বৰ্তমান ৰঙিয়াৰ ভাৰত পেট্ৰলিয়াম ডিপʼৰ কাষৰ এটা ঠাইত সুৰক্ষা দি ৰাখিছে । মন্ত্ৰী ভবেশ কলিতাই ঘটনাস্থলিত উপস্থিত হৈ মহকুমা প্ৰশাসনক ম’হকেইটা সুৰক্ষিত হৈ থকাৰ স্বাৰ্থত প্ৰয়োজনীয় সকলো ব্যৱস্থা গ্ৰহণ কৰিবলৈ নিৰ্দেশ দিয়ে । ট্ৰাক খনৰ চালক হেণ্ডিমেন বৰ্তমানেও পলাতক অৱস্থাত আছে, যাৰবাবে ট্ৰাকখন ক’ৰ পৰা কলৈ গৈ আছিল জানিব পৰা হোৱা নাই । প্ৰথম অৱস্থাত আৰক্ষীয়ে মহকেইটা চুৰি কৰি অনা বুলি সন্দেহ প্ৰকাশ কৰিছিল যদিও অধিক তদন্তৰ পিছতহে প্ৰকাশ পাব মহকেইটাৰ প্ৰকৃত তথ্য ।