Volcano: এবছৰত কমেও সাতবাৰ সাৰ পাই উঠা আইচলেণ্ডৰ আগ্নেয়গিৰিটো

Volcano। আইচলেণ্ডৰ এটা আগ্নেয়গিৰি, যিটোৱে এবছৰত কমেও সাতবাৰ সাৰ পাই উঠাত বিজ্ঞানীসকলক শংকিত কৰি তুলিছে।আইচলেণ্ডৰ দক্ষিণ-পশ্চিম গ্ৰীণ্ডাভিক চহৰত বুধবাৰে পুনৰ এই আগ্নেয়গিৰিটোৰ বিস্ফোৰণ ঘটে। এই ঘটনা সংঘটিত হোৱা অঞ্চলটোৰ পৰা অলপ দূৰৈতে আছে এখন মাছমৰীয়া গাঁও, যিখন পৰ্যটকৰ মাজত অতি জনপ্ৰিয়। অৱশ্যে এতিয়ালৈকে বাসিন্দাসকলক কোনো বিশেষ সতৰ্কবাণী জাৰি কৰা নাই বা আগ্নেয়গিৰিটোৱে কোনো হানি কৰা নাই। যদিও স্থানীয় বাসিন্দাসকলক স্থানান্তৰ কৰা হৈছে। আগ্নেয়গিৰিটোৱে গভীৰ নিশা বিস্ফোৰণ কৰা কেইবাটাও ফুটেজ ছ’চিয়েল মিডিয়াত এতিয়া ভাইৰেল হৈ পৰিছে। অৱশ্যে কোনো লোকৰ প্ৰাণ হানিৰ খবৰ পোৱা নাই।
প্ৰসংগক্ৰমে চলিত বৰ্ষৰ জানুৱাৰী মাহত এই চহৰত আগ্নেয়গিৰি বিস্ফোৰণ ঘটিছিল। পূৰ্বতে ২০২৩ চনৰ ডিচেম্বৰ মাহতো একে ঘটনা সংঘটিত হৈছিল। প্ৰশাসনে মহানগৰীৰ কমেও ৪০০০ বাসিন্দাক উদ্ধাৰ কৰে। বৰ্তমান বিস্ফোৰণৰ বাবেই বাসিন্দাসকলক স্থানান্তৰ কৰা হৈছে। পৰিস্থিতিৰ ওপৰত নজৰ ৰাখিছে প্ৰশাসনে। অৱশ্যে একেটা ঘটনা বাৰে বাৰে সংঘটিত হোৱাৰ বাবে শংকিত হৈ পৰিছে প্ৰশাসন।