গুৱাহাটী, ২ নৱেম্বৰঃ কামৰূপৰ ২৭নং ছমৰীয়া সমষ্টিৰ অন্তৰ্গত ৰঙ্গেশ্বৰী-টুপামাৰী যুৱকসকলৰ উদ্যোগত আৰু টুপামাৰী(Tupamari) বজাৰৰ সৌজন্যত আয়োজন কৰা প্ৰাইজমানী ফুটবল প্ৰতিযোগিতাখন(Football Tournament) দেওবাৰে সামৰণি পৰে।
তীব্ৰ উত্তেজনাপূৰ্ণ চূড়ান্ত খেলনত লাম্পি এফচি(Lampi football team) দলে হাহিম জিজাং ফুটবল দলক ৩-২ গ’লত পৰাস্ত কৰি খিতাপ দখল কৰিবলৈ সক্ষম হয়।(Nagarbera) খেলৰ শেষত সন্ধিয়া বটাঁ বিতৰণী সভাঅনুষ্ঠিত কৰে।
খেল পৰিচালনা সমিতিৰ সভাপতি আহমেদ ইমতিয়াজ বুলবুলৰ সঞ্চালনাত আৰু সম্পাদক আবুল হুছেইনে উদ্দেশ্য ব্যাখ্যা কৰা বটাঁ বিতৰণী সভাত ২০,০০১ টকা লগতে ট্ৰফী বিজয়ী আৰু ১৫,০০১ টকা লগতে ট্ৰফী বিজেতা দলক প্ৰদান কৰে।(Meghalaya)
উক্ত বটাঁ বিতৰণী সভাত সন্মানীয় অতিথি হিচাবে গুৱাহাটী উচ্চ ন্যায়ালয়ৰ অধিবক্তা-অসম প্ৰদেশ কংগ্ৰেছ কমিটীৰ কাৰ্যবাহী সদস্য কোৰবান আলী, গুৱাহাটী উচ্চ ন্যায়ালয়ৰ অধিবক্তা ক্ৰমে আনোৱাৰ পৰামানিক, আজিবৰ ৰহমান, ছমৰীয়া আঞ্চলিক পঞ্চায়তৰ প্ৰাক্তন সভাপতি ৰফিকুল ইছলাম, আমছু’ৰ সহঃসাধাৰণ সম্পাদক ফিৰাজুল হক, টুপামাৰী গাঁও পঞ্চায়ত সমবায় সমিতিৰ প্ৰাক্তন সভাপতি হাতেম আলী আহমেদ, টুপামাৰী আৰক্ষী চকীৰ ভাৰপ্ৰাপ্ত আৰক্ষী বিষয়া ভগৱান ডেকা, টুপামাৰী হাই স্কুলৰ সহঃশিক্ষক ছুৰুজ জামাল আহমেদ, টুপামাৰী এলপি স্কুলৰ প্ৰধান শিক্ষক জমিৰ উদ্দিন, টুপামাৰী ক্ষুদ্ৰ প্ৰাথমিক স্বাস্থ্য কেন্দ্ৰৰ চিকিৎসক ছাদ্দাম হুছেইন, সামাজ সেৱক ছুলতান মামুদ, টুপামাৰী মণ্ডল কংগ্ৰেছৰ কমিটিৰ সভাপতি আব্দুল হামিদ, জনপ্ৰিয় গায়িকা ৱাহিদা ৰহমান, যুৱ ব্যৱসায়ী ৰবিউল আলমৰ লগতে অঞ্চলটোৰ বহু গণ্যমান্য ব্যক্তি উপস্থিত থাকে।
খেলখন চাবলৈ খেলপথাৰৰ চৌপাশে কেবা সহস্ৰাধিক দৰ্শকৰ সমাগম ঘটে, চূড়ান্ত খেলখনক কেন্দ্ৰ কৰি উচৱমুখৰ হৈ পৰে বৃহত্তৰ টুপামাৰী অঞ্চল। অঞ্চলটোত ক্ৰমাগত ভাবে বৃদ্ধি পাব ধৰা নিচাসক্ত মানসিকতাৰ পৰা যুৱচামক মুক্ত কৰাৰ বাবেই আৰু টুপামাৰী (কড়িতলা) বজাৰৰ উন্নয়নৰ স্বাৰ্থত এই দীঘলীয়া খেল প্ৰতিযোগিতাৰ আয়োজন কৰা বুলি খেল পৰিচালনা সমিতিৰ সম্পাদক তথা ‘দৈনন্দিন বাৰ্তা’ কাকতৰ স্থানীয় সাংবাদিক আবুল হুছেইনে মন্তব্য কৰে।