উত্তৰ-পশ্চিম পাকিস্তানত বিগত ১০ দিনত সা*ম্প্ৰদায়িক হিং*সাত ১৩০ জন লোকৰ মৃ*ত্যু হৈছে। এই হিং*সাত্মক ঘটনাত আহত হৈছে আন ২০০ জন লোক।
কুৰৰাম পাকিস্তানৰ খাইবাৰ পখ্তুনখোৱা প্ৰদেশৰ এখন জিলা। ২১ নৱেম্বৰত কুৰৰাম জিলাত কনভয়ত ব*ন্দুকধাৰীৰ এম্বুছত ৫২ জন লোক নিহত হৈছিল। ইয়াৰে অধিকাংশই আছিল ছিয়া মুছলমান। এই আক্ৰমণৰ পিছতে সা*ম্প্ৰদায়িক হিং*সা আৰম্ভ হয়। আনহাতে এই আক্ৰমণৰ দায়িত্ব কোনেও স্বীকাৰ নকৰাৰ বাবে প্ৰতিদ্বন্দ্বী গোটসমূহে প্ৰতিশোধমূলক প্ৰত্যাক্ৰমণ কৰাৰ লগতে কেইবাটাও অঞ্চলত অগ্নিসংযোগ কৰে।যোৱা ২৪ নৱেম্বৰত চৰকাৰী বিষয়াসকলে সাত দিনীয়া যুদ্ধবিৰতিৰ মধ্যস্থতা কৰিছিল যদিও ফল নধৰিল। ফলত বিগত ২৪ ঘণ্টাত অঞ্চলটোত ১৪ জন লোকৰ মৃ*ত্যু হোৱাৰ লগতে ২৭ জন লোক আহত হয়।কুৰৰাম আফগানিস্তানৰ সীমান্তৱৰ্তী পাকিস্তানৰ এটা জনজাতীয় অঞ্চল। দেশৰ আন প্ৰান্তত সংখ্যালঘু হোৱাৰ বিপৰীতে কুৰৰাম জিলাৰ কিছুমান অঞ্চলত ছিয়া মুছলমান সংখ্যাগৰিষ্ঠ। কুৰৰাম জিলাত ছিয়া মুছলমানৰ আধিপত্য আছে যদিও সংখ্যা কম। সাধাৰণতে এই অঞ্চলৰ ছিয়া মুছলমানসকলে পাকিস্তানৰ সংখ্যাগৰিষ্ঠ চুন্নী মুছলমানৰ সৈতে শান্তিপূৰ্ণভাৱে বাস কৰে। কিন্তু যোৱা জুলাইৰ পৰা কুৰৰাম জিলাৰ ভূমি বিবাদ গৈ সাম্প্ৰদায়িক দাঙ্গালৈ পৰিণত হোৱাৰ লগতে দুয়োপক্ষৰ বহু লোকৰ মৃ*ত্যু হৈছে। কুৰৰাম জিলাৰ উপ আয়ুক্ত জাভেদ উল্লাহ মেহছুদে কয় যে জনজাতীয় নেতাৰ সৈতে যুদ্ধবিৰতিৰ আলোচনা চলি আছে লগতে শান্তি বজাই ৰাখিবলৈ নিৰাপত্তা বাহিনী নিয়োগ কৰা হৈছে।সমেহছুদে লগতে কয় যে, ‘কৰ্তৃপক্ষই অঞ্চলটোত ইণ্টাৰনেট আৰু মোবাইল সেৱা পুনৰ আৰম্ভ কৰিছে।’কিন্তু প্ৰাদেশিক ৰাজধানী পেছাৱৰক পাৰাচিনাৰ চহৰৰ সৈতে সংযোগ কৰা মূল ঘাইপথটোৰ সকলো যাতায়ত বন্ধ কৰি দিয়াৰ ফলত খাদ্য, ইন্ধন আৰু ঔষধৰ নাটনি হৈছে।ইয়াৰ উপৰিও আফগানিস্তানৰ সৈতে খাৰলাচী সীমান্তত বাণিজ্য আৰু যাতায়ত বন্ধ কৰা হৈছে।
Pakistan: পা*কিস্তানত সা*ম্প্ৰদায়িক হিং*সাত মৃ*ত্যুৰ সংখ্যা ১৩০জনলৈ বৃদ্ধি
