নাজিৰা
ৰাজ্যত ক’ভিড-১৯ ৰোগত আক্ৰান্তৰ সংখ্যা ক্ৰমাৎ বৃদ্ধি হ’বলৈ ধৰাৰ পৰিস্থিতিত চৰকাৰক সকলো প্ৰতিৰোধ ব্যৱস্থা গ্ৰহণ কৰাত সহযোগ আগবঢ়াই দিল্লী পাব্লিক স্কুল নাজিৰাৰ তৰফৰ পৰা ১লাখ ১১ হাজাৰ টকাৰ এখনি চেক প্ৰদান কৰা হয় শিৱসাগৰ জিলাৰ উপায়ুক্ত লক্ষীনন্দন গগৈৰ হাতত। মুখ্যমন্ত্ৰীৰ সাহায্য পুঁজিলৈ বিদ্যালয়খনৰ শিক্ষক কৰ্মচাৰীসকলৰ এদিনৰ দৰমহা অধ্যক্ষ পাৰ্থ সাৰথি সৰকাৰৰ লগতে শিক্ষক কৰ্মচাৰীৰ প্ৰতিনিধিয়ে নাজিৰাৰ ভাৰপ্ৰাপ্ত মহকুমাধিপতি তথা অতিৰিক্ত উপায়ুক্ত সম্প্ৰীতি গোস্বামীৰ উপস্থিতিত এক চেকযোগে প্ৰদান কৰে। আনহাতে নাগালেণ্ডত চৰকাৰী চাকৰি কৰি অৱসৰ লোৱা শিৱসাগৰ আৰু চৰাইদেউ জিলাৰ অবিভক্ত পেন্সনাৰ সন্থাৰ হৈ সভাপতি নকুল চন্দ্ৰ গগৈ, সম্পাদক কালীপ্ৰসাদ বৰুৱা, সদস্য লক্ষেশ্বৰ বৰুৱাই অলপতে নাজিৰাৰ ভাৰপ্ৰাপ্ত মহকুমাধিপতি তথা অতিৰিক্ত উপায়ুক্ত গৰাকীৰ জৰিয়তে মুখ্যমন্ত্ৰীৰ সাহাৰ্য পুঁজিলৈ ৪০ হাজাৰ টকাৰ চেক প্ৰদান কৰে। পেন্সনাৰ তথা জ্যেষ্ঠ নাগৰিক কেইজনে কৰ’না সংক্ৰমণ সংকটময় পৰিস্থিতিৰ পৰা যাতে নতুন প্ৰজন্মৰ পৃথিৱীখন সজীৱ কৰি ৰাখিব পাৰি তাৰেই আশা প্ৰকাশ কৰে৷