শৰীৰক সুস্থ কৰি ৰাখিবলৈ মুঠ ১৩টা ভিটামিনৰ প্ৰয়োজন। প্ৰতিটো ভিটামিনৰ কাম বেলেগ বেলেগ। শৰীৰত ভিটামিনৰ অভাৱত ভাগৰুৱা, দুৰ্বলতা, মূৰ ঘূৰোৱা, অস্থিৰতা আদি সমস্যাৰ সৃষ্টি হয়। বিশেষকৈ মহিলাৰ বয়স ২৫ বছৰৰ ওপৰত হ’লে কিছুমান ভিটামিন নিয়মিতভাৱে সেৱন কৰা উচিত। কিন্তু বৰ্তমানৰ খাদ্যাভ্যাসত কেৱল ভিটামিনৰ অভাৱ নহয়, শৰীৰৰ বাবে প্ৰয়োজনীয় খনিজ পদাৰ্থৰ অভাৱ। সেইবাবেই মাল্টিভিটামিন টেবলেট বা বিভিন্ন পৰিপূৰক সেৱনৰ অভ্যাস বাঢ়িছে। কিন্তু চিকিৎসকৰ মতে দৈনিক খাদ্যাভ্যাস এনেকুৱা হ’ব লাগে যাতে ভিটামিনৰ প্ৰয়োজনীয়তা তাৰ পৰাই পূৰণ হয়।(Vitamins for women)
মহিলাৰ শৰীৰত কি কি ভিটামিন অতি প্ৰয়োজনীয়-
ভিটামিন বি ১২-এই ভিটামিনৰ অভাৱত হতাশাৰ সৃষ্টি হ’ব পাৰে। এই ভিটামিনৰ অভাৱত শৰীৰৰ বিভিন্ন অংশত প্ৰভাৱ পৰে। ছালখন ম্লান হ’বলৈ আৰম্ভ কৰে। নিৰামিষ খাদ্যত এই ভিটামিন অলপ কম থাকে। কণী, কাঠফুলা, বিভিন্ন ধৰণৰ মাংস আৰু সাগৰীয় খাদ্য আদিত ভিটামিন বি ১২ৰ প্ৰচুৰ পৰিমৈাণে থাকে। ইয়াৰ উপৰিও গাখীৰ, দৈ, চজিনাতো ভিটামিন বি ১২ থাকে।
ভিটামিন চি
নিয়মিতভাৱে ভিটামিন চি খালে ছালৰ বলিৰেখা আঁতৰ হয়, উজ্জ্বলতা বৃদ্ধি পায়। মগজুৰ কাৰ্য্যক্ষমতা উন্নত কৰাত ভিটামিন চিয়েও ভূমিকা পালন কৰে। ভিটামিন চিয়ে মানসিক স্বাস্থ্য ভাল কৰি ৰাখে। নেমুৰ উপৰিও আমলখি, অমিতা, ব্ৰকলি, ষ্ট্ৰবেৰী, ফুলকবি, কবি, বিলাহী, পালেং শাকত প্ৰচুৰ পৰিমাণে ভিটামিন চি থাকে। যদি আপুনি আপোনাৰ দৈনিক খাদ্য তালিকাত সতেজ শাক-পাচলি আৰু ফল-মূল ৰাখে তেন্তে আপোনাৰ শৰীৰে পৰ্যাপ্ত পৰিমাণৰ ভিটামিন চি লাভ কৰিব।
ভিটামিন কে
হাড় ভাঙি যোৱা বা হাড়ৰ ঘনত্ব কম হোৱাৰ আঁৰতো ভিটামিন কেৰ অভাৱ। কাৰণ ভিটামিন কেয়ে হাড় মজবুত কৰাত সহায় কৰে। শৰীৰত ভিটামিন কেৰ পৰিমাণ কম হ’লে গাঁঠিৰ বিষ হ’ব পাৰে। বিশেষকৈ মহিলাসকলে এই ভিটামিন গ্ৰহণ কৰাটো প্ৰয়োজন, কিয়নো ইয়াৰ অভাৱত অষ্টিঅ’পৰ’ছিছৰ সম্ভাৱনা বৃদ্ধি পায়। ব্ৰকলি, পালেং, বন্ধাকবি ভিটামিন কেৰ ভাল উৎস। দুগ্ধজাত খাদ্য আৰু কণী খালে এই ভিটামিনৰ অভাৱ দূৰ কৰা সম্ভৱ। কুকুৰা আৰু সৰিয়হতো প্ৰচুৰ পৰিমাণে ভিটামিন কে থাকে।
ভিটামিন ই
হাড়ৰ যত্ন লয়, বন্ধ্যাত্বৰ সমস্যা ৰোধ কৰে, বয়স বৃদ্ধিৰ সমস্যাও প্ৰতিৰোধ কৰিব পাৰে ভিটামিন ই। বহুতে ছাল আৰু চুলিৰ যত্নৰ বাবে ভিটামিন ই কেপচুল ব্যৱহাৰ কৰে বুলি চিকিৎসকে কয় যে দৈনিক খাদ্যৰ পৰা ভিটামিন ইৰ প্ৰয়োজনীয়তা পূৰণ কৰিব পাৰি। যেনে কচু, এভোকেডো, কাজু, বাদামত প্ৰচুৰ পৰিমাণে ভিটামিন ই থাকে।
ভিটামিন ডি
হাড় মজবুত কৰা আৰু পেশী বজাই ৰখাৰ বাবে ভিটামিন ডি অতি প্ৰয়োজনীয়। কেৱল হাড় শক্তিশালী কৰাই নহয়, অষ্টিঅ’পৰ’ছিছৰ দৰে হাড়ৰ লগত জড়িত ৰোগৰ সম্ভাৱনাও হ্ৰাস কৰে। ইয়াৰ বাহিৰেও ৰোগ প্ৰতিৰোধৰ ক্ষেত্ৰত ভিটামিন ডি অতি গুৰুত্বপূৰ্ণ। কণীৰ কুহুমত ভিটামিন ডি থাকে। কিন্তু কণীৰ কুহুমত ভিটামিন ডিৰ মাত্ৰা বেছি। গাখীৰ আৰু যিকোনো দুগ্ধজাত খাদ্য ভিটামিন ডিৰ উত্তম উৎস। মাংস, মাছৰ কণীত ভিটামিন ডি থাকে।