2023 চনৰ ব্লকবাষ্টাৰ ছবি ‘এনিমেল’ৰ পিছত ৰনবীৰ কাপুৰক অতি সোনকালে নিতেশ তিৱাৰীৰ ছবি ‘ৰামায়ণ’ত ‘ভগৱান ৰাম’ৰ চৰিত্ৰত দেখা যাব। তেওঁৰ লগত দক্ষিণৰ অভিনেত্ৰী সাই পল্লৱীয়ে এই ছবিখনত ‘সীতা’ৰ চৰিত্ৰত অভিনয় কৰিব। সাই পল্লৱীৰ এইখন প্ৰথম হিন্দী ছবি। ইয়াৰ বাহিৰেও বহু অভিনেতাক এই ছবিখনত দেখা পোৱা যাব।(Ranbir Kapoor)
এটা ভিডিঅ’ত ৰণবীৰে প্ৰথমবাৰৰ বাবে ‘ৰামায়ণ’ৰ ‘ভগৱান ৰাম’ চৰিত্ৰৰ বিষয়ে ক’লে। ৰণবীৰৰ এই ভিডিঅ’টো ছৌদি আৰৱত অনুষ্ঠিত হোৱা ৰঙা সাগৰীয় চলচ্চিত্ৰ মহোৎসৱৰ সময়ৰ। য’ত তেওঁ নিজৰ চৰিত্ৰৰ কথা কৈছিল। ৰণবীৰে কয় যে ‘ভগৱান ৰাম’ৰ চৰিত্ৰত অভিনয় কৰাটো তেওঁৰ বাবে সপোনৰ দৰেই আৰু এই সুযোগক লৈ তেওঁ বিশেষ অনুভৱ কৰিছে। অনুৰাগীসকলে তেওঁৰ এই ভিডিঅ’টো দেখি অতিশয় উৎসাহিত হৈ পৰিছে।(Ranbir Kapoor Playing Lord Ram)
ৰণবীৰে কয়, ‘মই বৰ্তমান ‘ৰামায়ণ’ৰ কাম কৰি আছো, যিটো আটাইতকৈ ডাঙৰ কাহিনী। এই ছবিখন নিতেশ তিৱাৰীৰ পৰিচালনাত নিৰ্মাণ কৰা হৈছে। লগতে তেওঁ কয় যে তেওঁ ‘ৰামায়ণ’ৰ প্ৰথম খণ্ডৰ শ্বুটিং সম্পূৰ্ণ কৰি শীঘ্ৰে দ্বিতীয় খণ্ডৰ শ্বুটিং আৰম্ভ কৰিব। তেওঁ ক’লে, ‘ছবিখন দুটা ভাগত। প্ৰথম খণ্ডৰ শ্বুটিং সম্পূৰ্ণ কৰিছো আৰু অতি সোনকালে দ্বিতীয় খণ্ডৰ শ্বুটিং আৰম্ভ কৰিম। লগতে তেওঁ কয় যে ‘এই কাহিনীৰ অংশ হোৱাটো মোৰ বাবে অতি গৌৰৱৰ বিষয়। ভাৰতীয় সংস্কৃতি, পৰিয়াল আৰু স্বামী-স্ত্ৰীৰ সম্পৰ্কৰ শিক্ষা দিয়া এখন ছবি। ৰণবীৰ কাপুৰ আৰু সাই পল্লৱীৰ উপৰি নীতিশ তিৱাৰীৰ ‘ৰামায়ণ’ত কানাড়া ছুপাৰষ্টাৰ যশকো দেখা যাব ‘ৰাৱণ’ৰ চৰিত্ৰত। ইয়াৰ উপৰিও তেওঁ এই ছবিখনৰ সহ-প্ৰযোজকও।