হিন্দী চিনেমাৰ পৰা দক্ষিণৰ চিনেমালৈ সকলোতে খ্যাতি অৰ্জন কৰা ছুপাৰষ্টাৰ ৰজনীকান্তৰ আজি ৭৪ সংখ্যক জন্মদিন। বিশিষ্ট অভিনেতাগৰাকীৰ জন্মদিন উদযাপন কৰিছে তেওঁৰ অনুৰাগীসকলে। তেওঁৰ ফেন ফ’ল’ৱাৰ ইমানেই বেছি যে ফেনসকলে তেওঁক ভগৱানৰ মৰ্যাদা দি ভগৱানৰ দৰে পূজা কৰে। তেওঁৰ জন্মদিনৰ এনে এটা ভিডিঅ’ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে।(Rajinikanth Birthday)
#WATCH | Tamil Nadu | Ahead of his 74th birthday on Thursday, December 12, a new statue of Actor Rajinikanth has been unveiled at the "Arulmigu Sri Rajini Temple" in Thirumangalam, Madurai.
— ANI (@ANI) December 11, 2024
The statue depicts Rajinikanth's iconic character from the movie 'Mappillai', honouring… pic.twitter.com/cVgTAlHenK
ভিডিঅ’টোত এজন অনুৰাগীয়ে ছুপাৰষ্টাৰগৰাকীৰ মূৰ্তিটোক গাখীৰেৰে অভিষেক কৰা দেখা গৈছে।ৰজনীকান্তৰ আন অনুৰাগীসকলেও এই ভিডিঅ’টোত মন্তব্য কৰি জন্মদিনৰ শুভেচ্ছা জনাইছে। এই অনুৰাগীগৰাকীয়ে যোৱা বছৰ তামিলনাডুৰ মাদুৰাইত ছুপাৰষ্টাৰগৰাকীৰ এই মন্দিৰটো নিৰ্মাণ কৰিছিল। এই মন্দিৰৰ বিশেষ কথাটো হ’ল তেওঁৰ এই অনুৰাগীগৰাকীয়ে মন্দিৰত ২৫০ কেজি ওজনৰ ৰজনীকান্তৰ মূৰ্তিও স্থাপন কৰিছে। অনুৰাগীগৰাকীৰ নাম কাৰ্তিক।(Rajinikanth 74th Birthday)
দক্ষিণৰ ছবিৰ পৰা হিন্দী ছবিলৈকে তেওঁৰ অভিনয়েৰে বিপুল অনুৰাগীৰ অনুগামী সৃষ্টি কৰা ৰজনীকান্তৰ প্ৰকৃত নাম শিৱাজী ৰাও গায়েকৱাদ। ১৯৭৫ চনত তামিল ছবি ‘অপূৰ্ব ৰাগংগল’ৰ জৰিয়তে তেওঁ নিজৰ চলচ্চিত্ৰ জীৱন আৰম্ভ কৰিছিল। প্ৰায় ৪৯ বছৰ ধৰি চলচ্চিত্ৰ জগতত কাম কৰা তেখেতে এতিয়ালৈকে ১৬০ খনতকৈও অধিক ছবিত কাম কৰিছে, তেওঁৰ অধিকাংশই হিট ছবি আছিল।