১৮ ডিচেম্বৰ ২০২৪ঃ BJP । আগন্তুক পঞ্চায়ত নিৰ্বাচনৰ প্ৰতি লক্ষ্য ৰাখি সমগ্ৰ ৰাজ্যতে ভাৰতীয় জনতা পাৰ্টীয়ে জিলাই জিলাই অনুষ্ঠিত কৰি অহা মণ্ডল সভাপতিৰ নিযুক্তি সংগঠন পৰ্বৰ সমান্তৰালকৈ অলপতে বিজেপি দলৰ ৰাজ্যিক উপসভাপতি জয়ন্ত দাসৰ উপস্থিতিত ডিব্ৰুগড় জিলাৰ ১৮টা মণ্ডল সভাপতিৰ পদত দলটোত দীৰ্ঘদিনৰ পৰা সক্ৰিয়তাৰে সেৱা আগবঢ়াই ১৮ গৰাকীকৈ বিজেপি দলৰ কৰ্মকৰ্তাক নিযুক্তি প্ৰদান কৰা হয় ।
অনুৰূপধৰণে চাবুৱা -লাহোৱাল সমষ্টিৰ লাহোৱাল মণ্ডলৰ সভাপতি পদত ৭০ গৰাকীকৈ বুথৰ সভাপতিৰ সৰ্বসন্মতি আৰু প্ৰস্তাবমৰ্মে ভাৰতীয় জনতা পাৰ্টীৰ লাহোৱাল মণ্ডলৰ সভাপতি পদত নিযুক্তি প্ৰদান কৰা হয় । ভাৰতীয় জনতা পাৰ্টীত বিগত পোন্ধৰ বছৰৰ পৰা সক্ৰিয়তাৰে দলটোৰ স্বাৰ্থত নিৎস্বাৰ্থ ভাৱে কুমুদ দত্তই যেনেদৰে সেৱা আগবঢ়াই আহিছে ৷কুমুদ দত্তৰ এই ৰাজনৈতিক দক্ষতাৰ মৰ্মে লাহোৱাল বিজেপি মণ্ডলৰ সভাপতি পদত দত্তক নিযুক্তি দিয়াৰ পিছতে লাহোৱাল বিজেপি মণ্ডলৰ দলীয় সদস্য সকলৰ মাজত এতিয়া উল্লাসৰ বন্যা বোৱা বুলি জানিব পৰা গৈছে ৷
লাহোৱাল বিজেপি মণ্ডলৰ কাৰ্যালয়ত নৱনিযুক্ত সভাপতি কুমুদ দত্ত উপস্থিত হোৱাৰ পিছতে দলীয় কৰ্মকতা সকলে উষ্ম আদৰণি জনোৱাৰ লগতে সম্বন্ধনা জ্ঞাপন কৰে ৷ এই অনুষ্ঠানতে অন্যান্য দলীয় কৰ্মকতা সকলৰ লগতে ভাৰতীয় জনতা পাৰ্টীৰ যুটীয়া সাধাৰণ সম্পাদক লাটু বৰুৱা ,পৰাগ বৰুৱাৰ লগতে উপসভাপতি যুগান্ত গগৈ ,প্ৰাক্তন আঞ্চলিক পঞ্চায়তৰ সদস্যা বিভাৰাণী গগৈৰ লগতে ৰমাই গাঁও পঞ্চায়তৰ প্ৰাক্তন সভানেত্ৰী আৰতি চেতিয়াইও সম্বন্ধনা জ্ঞাপন কৰে বুলি জানিবলৈ দিয়ে ৷