যোৰহাট জিলাৰ টীয়কৰ এগৰাকী কবি নিবন্ধকাৰ অৰূপজ্যোতি হাজৰিকাই শৈশৱ আৰু কৈশোৰৰ পৰা সাহিত্য চৰ্চা কৰি বৰ্তমান চৰকাৰী কৰ্মব্যস্ততাৰ মাজতো প্ৰকাশ কৰি উলিয়াইছে প্রায় ডেৰকুৰীৰো অধিক গ্ৰন্থ।
অসমৰ বিভিন্ন প্ৰান্তত আয়োজিত সাহিত্য প্ৰতিযোগিতাত শতাধিক পুৰস্কাৰ পাবলৈ সক্ষম হোৱা হাজৰিকাৰ বহু গ্ৰন্থ অসমৰবহুকেইটা সম্ভ্ৰান্ত প্ৰকাশনে প্ৰকাশ কৰি উলিয়াইছে।
উল্লেখযোগ্য যে হাজৰিকাৰ সাহিত্যৰ ধাৰা বহুমুখী। গল্প, কবিতা, প্ৰবন্ধৰ লগতে তেওঁ লিখি উলিয়াইছে বহু শিশু সাহিত্য। শেহতীয়াকৈ লক ডাউনৰ সময়ত তেওঁ লিখি উলিওৱা ‘ময়ো সুনাগৰিক হব বিচাৰো’ গ্ৰন্থখনে বিশেষ জনপ্ৰিয়তা অৰ্জন কৰিছে।
বৰ্তমান সমাজ ব্যৱস্থাত শৃংখলিট ৰূপত এজন সু নাগৰিক সম্পৰ্কীয় বহু লিখা সন্নিৱিষ্ট গ্ৰন্থখন এটা পষেকতে প্ৰথম সংস্কৰণ শেষ হৈছে বুলি জানিব পৰা গৈছে। হাজৰিকাই সংবাদ মাধ্যমক জনোৱা মতে ফেব্ৰুৱাৰী মাহৰ প্ৰথম সপ্তাহত তেওঁৰ দ্বিতীয় সংস্কৰণ শীঘ্ৰে প্ৰকাশ হব।