ওদালগুৰি জিলাৰ ডিমাকুছিৰ দৈমু নগৰৰ বাকৰিত ৪ দিনীয়াকৈ অনুষ্ঠিত গৌৰৱোজ্জল ৬৪ সংখ্যক বড়ো সাহিত্য সভাৰ দেওবাৰে সফল সামৰণি পৰে।(Bodo Sahitya Sabha) অন্তিম দিনৰ কাৰ্যসূচীত মুখ্য অতিথি হিচাপে অংশগ্ৰহণ কৰে ৰাজ্য চৰকাৰৰ কেবিনেট মন্ত্ৰী পিযুষ হাজৰিকা, অশোক সিংহাল , উৰ্খাও গৌৰা ব্ৰহ্ম , বিটিআৰৰ মুখ্য কাৰ্যবাহী প্ৰমোদ বড়ো , উপ- মুখ্য কাৰ্যবাহী সদস্য গোবিন্দ বসুমতাৰী , ৰাজ্যসভাৰ সদস্য ৰণগৌৰা নাৰ্জাৰী , সাংসদ জয়ন্ত বসুমতাৰী , কছাৰী স্বায়ত্ব পৰিষদৰ অধ্যক্ষ অনিল বসুমতাৰী , মহিলা কল্যাণ পৰিষদৰ সভানেত্ৰী দিপালী নাৰ্জাৰী , নিখিল বড়ো ছাত্ৰ সন্থাৰ কেন্দ্ৰীয় সমিতিৰ সভাপতি দ্বীপেন বড়ো , বিটিআৰৰ ইএম সঞ্জিৎ তাঁতী , ইএম দাওবাইছা বড়ো , বিটিআৰৰ প্ৰাক্তন উপাধ্যক্ষ নেৰশ্বন বড়ো , সদৌ অসম আদিবাসী ছাত্ৰ সন্থাৰ কেন্দ্ৰীয় সমিতিৰ সভাপতি প্ৰদীপ নাগ , বহুকেইগৰাকী বিশিষ্ট সাহিত্যিক , শিক্ষাবিদ , বুদ্ধিজীৱী , বহুকেইখন ৰাজ্যৰ প্ৰতিনিধি , বিটিআৰৰ বহুকেইগৰাকী ইএম ,এমচিএলএ । বিধানসভাৰ অধ্যক্ষ তথা আদৰণি সমিতিৰ সভাপতি বিশ্বজিৎ দৈমাৰীয়ে সঞ্চালন কৰা বড়ো সাহিত্য সভাৰ মুকলি সভাত সভাপতিত্ব কৰে বড়ো সাহিত্য সভাৰ সভাপতি ড: সুৰথ নাৰ্জাৰীয়ে।
বড়ো সাহিত্য সভাৰ কেন্দ্ৰীয় অধিৱেশনৰ অন্তিম দিনৰ মুকলি সভাত বিভিন্ন জাতি-জনগোষ্ঠীৰ ৪দিনত দুইলাখৰো অধিক লোকেৰে জন সমুদ্ৰত পৰিণত হ’ল ডিমাকুছিৰ দৈমু নগৰৰ সাহিত্য সভাৰ অধিৱেশনস্থলী । বড়ো জনগোষ্ঠীৰ জনগোষ্ঠীয় নৃত্য খেৰাই, বাগুৰুম্বা , বৰদৈচিখলা নৃত্যকে ধৰি বিভিন্ন জাতি-জনগোষ্ঠীৰ জনগোষ্ঠীয় নৃত্য প্ৰদৰ্শনেৰে সকলোকে আপ্লুত কৰে । বড়ো জনগোষ্ঠীৰ সৰ্ববৃহৎ সাহিত্য-সংস্কৃতিৰ এক অনন্যা অনুষ্ঠান হৈছে বড়ো সাহিত্য সভাৰ গৌৰৱোজ্জল ৬৪ সংখ্যক বড়ো সাহিত্য সভা কেন্দ্ৰীয় অধিৱেশন অনুষ্ঠিত হৈছে ওদালগুৰি জিলাৰ বিভিন্ন জাতি-জনগোষ্ঠীৰ লোকেৰে একত্ৰিত হৈ সমন্বয়ৰ প্ৰতীক হিচাপে উল্লেখিত ডিমাকুছিৰ দৈমু নগৰত সম্প্ৰীতিৰ মিলনভূমিত। ওদালগুৰি জিলাৰ ডিমাকুছি দৈমু নগৰত অনুষ্ঠিত ৬৪ সংখ্যক বড়ো সাহিত্য সভাৰ অধিৱেশনৰ আজি অন্তিমটো দিনাত উদূলি- মূদুলি পৰিৱেশে বিৰাজমান কৰি তুলিছে অধিৱেশনস্থলী । নেপাল , বাংলাদেশ আদি ৰাষ্ট্ৰৰ প্ৰতিনিধিৰ উপৰিও পশ্চিমবংগ , ত্ৰিপুৰা, মেঘালয়, নতুন দিল্লী , ইন্দোনেছিয়াৰ প্ৰতিনিধিয়ে অংশগ্ৰহণ কৰে।
বড়ো সাহিত্য সভাৰ অধিৱেশনৰ অন্তিম দিনৰ কাৰ্যসূচীত পশ্চিমবংগ , ভূটান , নেপাল , ত্ৰিপুৰা , ম্যানমাৰ , বাংলাদেশ , আদি বিভিন্ন ঠাইৰ প্ৰতিনিধি সকলে অংশগ্ৰহণ কৰে । ডিমাকুছিৰ দৈমু নগৰত বিভিন্ন জাতি-জনগোষ্ঠীৰ লোকেৰে সুকলমে বড়ো সাহিত্য সভা সমাপন কৰাত সকলোকে প্ৰসংশাৰে উপচায় পেলোৱাৰ লগতে বড়ো ভাষাক আন্তঃৰাষ্ট্ৰীয় মৰ্যাদা দিবলৈ বড়ো সাহিত্য সভা আৰু নিখিল বড়ো ছাত্ৰ সন্থাৰ অপ্ৰাণ চেষ্টাক ধন্যবাদ জ্ঞাপন কৰে বিটিআৰৰ মুৰব্বী প্ৰমোদ বড়োৱে । প্ৰমোদ বড়োৱে ভাষণত আগবঢ়ায় যে বিটিআৰত ৪ বছৰ ধৰি বহুতো উন্নয়নমূলক কাম-কাজ কৰা হৈছে , ভৱিষ্যতে বাকী থকা সমস্যা সমূহো সমাধান কৰাৰ লগতে বড়ো সাহিত্য সভাৰ উন্নয়নৰ বাবে ১০০ শতাংশ চিন্তা-চৰ্চা কৰা হৈছে আৰু বড়ো ভাষাৰ গ্ৰন্থ প্ৰকাশৰ বাবে বছৰি ১ কোটিকৈ আৰ্থিক অনুদান আগবঢ়োৱা হ’ব বুলিও জনায়। কেবিনেট মন্ত্ৰী পিযুষ হাজৰিকাই তেখেতৰ ভাষণত কয় যে ১৯৫২ চনতে বড়ো জনগোষ্ঠীৰ সৰ্ববৃহৎ জাতীয় অনুষ্ঠান বড়ো সাহিত্য সভাৰ জন্ম হৈছিল বড়ো ভাষা আৰু সাহিত্য অন্বেষণত সাম্প্ৰতিক সময়ত বড়ো মূলীয় জনগোষ্ঠীৰ বাহিৰেও বিভিন্ন লোকে বড়ো ভাষাক আদৰি লোৱাত সুখী অনুভৱ কৰিছে , বড়ো সাহিত্য সভাই জাতিটোৰ সাহিত্য কলা-সংস্কৃতিৰ দিশত উন্নয়ন সাধন কৰিছে । সাহিত্য সভাই বিশ্বদৰবাৰত বড়ো ভাষা সাহিত্য প্ৰচাৰ প্ৰসাৰ কৰিবলৈ সক্ষম হৈছে।
ভৱিষ্যৎ নৱপ্ৰজন্ময় সাহিত্যৰ প্ৰতি আকৃষ্ট হ’ব লাগিব সেয়েহে বড়ো সাহিত্য সভাই এইক্ষেত্ৰত নৱপ্ৰজন্মক উদ্বুদ্ধ কৰিবলৈ বড়ো সাহিত্য সভাই প্ৰতিটো মুহূৰ্ততে আগভাগ ল’ব লাগিব। ডিমাকুছিত প্ৰতিটো জাতি-জনগোষ্ঠীৰ সমন্বয়ৰ বান্ধোন দেখি উৎফুল্লিত হৈছে মন্ত্ৰী পিযুষ হাজৰিকা । আনহাতে বড়ো সাহিত্য সভাৰ আদৰণি ভাষণত বিধানসভাৰ অধ্যক্ষ বিশ্বজিৎ দৈমাৰীয়ে সমূহ ৰাইজক উদ্দেশ্যি কয় যে বড়ো ভাষাই অষ্টম অনুসূচিত অন্তৰ্ভুক্ত হোৱাৰ উপৰিও বড়ো ভাষা চৰকাৰী ভাষা স্বীকৃতি পালে । সাহিত্য অবিহনে কোনো এটা জাতিৰ একো কাম নহয় , ভাৰতৰ ইতিহাস সাহিত্যয় ধৰি ৰাখিব পাৰে । ৰামায়ণ মহাভাৰত ৰচনা নকৰিলে অতীতৰ কথা কোনোৱে নাজানিলে হয় , সেয়েহে ভৱিষ্যৎ প্ৰজন্মৰ বাবে সাহিত্য চৰ্চা আৰু সাহিত্য ৰচনা কৰিব লাগে। বড়ো সাহিত্য সভাৰ সভাপতি ড: সুৰথ নাৰ্জাৰীয়ে কয় যে বিগত সময়তকৈ বড়ো সাহিত্য সভা বহুতো উন্নয়ন হৈছে, আৰম্ভণিৰে পৰা অনুষ্ঠিত হোৱা বড়ো সাহিত্য সভা সমূহতকৈ ডিমাকুছিৰ দৈমু নগৰৰ অধিৱেশনৰ জাকত-জিলিকা হৈছে। পৰৱৰ্তী সময়ত যিহেতু বড়ো সাহিত্য সভায় ৭৫ বছৰ অতিক্ৰম কৰিব সেয়েহে হীৰক জয়ন্তী উপলক্ষে চিৰাং জিলাৰ বিজনীত অনুষ্ঠিত হ’ব বড়ো সাহিত্য সভা। বড়ো সাহিত্য সভাৰ অধিৱেশনত ৰাইজৰ সঁহাৰি দেখি আপ্লুত হৈছে উদযাপন সমিতিৰ সমূহ বিষয়ববীয়া।