SI কেলেংকাৰীৰ সম্পৰ্কত ন্যায়ালয়ৰ হস্তক্ষেপ বিচাৰি আবেদন পত্ৰ প্ৰেৰণ অভিযান

ৰাজ্য কঁপোৱা  SI কেলেংকাৰীৰ চিবিআই তদন্তৰ দাবীত  টিংখাঙৰ দল সংগঠনৰ ধাৰাবাহিক আন্দোলনৰ অংশ হিচাপে আজি ৪ ফেব্ৰুৱাৰী ৰ পৰা ১৫ ফেব্ৰুৱাৰী লৈ এক চহী সংগ্ৰহ অভিযান আৰম্ভ কৰা হৈছে । SI কেলেংকাৰী সম্পৰ্কত গুৱাহাটী উচ্চ ন্যায়ালয়ৰ হস্তক্ষেপ বিচাৰি মুখ্য ন্যায়াধীশলৈ এই সময়ছোৱাত সমষ্টিৰ ৫০ হেজাৰ ভোটাৰৰ পৰা একোখনকৈ  আবেদনত চহী সংগ্ৰহ কৰি প্ৰেৰণ কৰা হব বুলি এক যৌথ প্ৰেছ বিবৃতিত সংগঠন সমূহে জানিবলৈ দিছে । আজি চহী সংগ্ৰহ অভিযানৰ আৰম্ভনি হিচাপে টিংখাঙৰ ৰাজগড়ত ৰাইজৰ চহী সংগ্ৰহ কৰা হয় । অহা ১৫ ফেব্ৰুৱাৰী লৈ সমষ্টিৰ গাঁৱে-ভুঁঞে এই ব্যক্তিগত  আবেদনত চহী সংগ্ৰহ কৰি গুৱাহাটী উচ্চ ন্যায়ালয়ৰ মূখ্য ন্যায়াধীশলৈ প্ৰেৰণ কৰা হব বুলি বিবৃতিটোত দল সংগঠনৰ নেতৃত্বই জনাইছে । আজিৰ কাৰ্যসূচীত কা বিৰোধী ঐক্য মঞ্চ, টিংখাং,  আনপা, ৰাইজৰ দল, কংগ্ৰেছ আৰু চিপিআই এম এল ৰ অৰ্ধশতাধিক কৰ্মী সমৰ্থক উপস্থিত থাকে ।