বাৰীতে মাৰিম পাক গীতটিৰে জনপ্ৰিয় হোৱা কণ্ঠশিল্পী ৰিছা ভৰদ্বাজে ৰুজু কৰিছে গোচৰ ।
গায়িকা গৰাকীয়ে পানবজাৰ মহিলা আৰক্ষী থানা আৰু ক্ৰাইম ব্ৰাঞ্চত দুটাকৈ গোচৰ ৰুজু কৰিছে ।
অভিযোগ মতে সামাজিক মাধ্যমত তেওঁৰ ভাবমূৰ্তি বিনষ্ট কৰিব পৰা কিছু ফটো বিকৃত কৰি প্ৰকাশ কৰিছে দুষ্ট চক্ৰই ।
এই সন্দৰ্ভত অপৰাধীক কৰায়ত্ত কৰাৰ বাবে আৰু এই কামত জড়িত থকা সকলক কঠোৰ শাস্তি প্ৰদানৰ বাবে আৰক্ষীৰ কাষ চাপিছে গায়িকা গৰাকীয়ে ।
ফেচবুক পোষ্ট কৰি ৰিছা ভৰদ্বাজে লিখিছে যে এনে নিম্ন মানসিকতাৰ মানুহৰ বাবে তেওঁৰ লগতে পৰিয়ালটো মনসিক চাপত ভুগিব লগা হৈছে ।
গায়িকা গৰাকীয়ে উল্লেখ কৰা মতে ১৪ ফেব্ৰুৱাৰীৰ পৰা দুষ্ট চক্ৰই তেওঁৰ ফটো বিকৃত কৰি সমাজিক মাধ্যমত বিয়পাইছে ।
