চৰকাৰে “জিম” ৰ কথাও ভাবক

• ডাঃ প্ৰণৱ চক্ৰৱৰ্তী

যোৱা মাৰ্চ মাহৰ শেষভাগৰ পৰাই চৰকাৰৰ নিৰ্দেশ মৰ্মে অসমৰ সকলো জিম বা ফিটনেছ চেন্টাৰ সমূহ বন্ধ হৈ আছে ৷ যোৱা দুমাহেই এই ক্ষেত্ৰৰ লগত জড়িত প্ৰতিজন ব্যক্তিয়ে এই নিৰ্দেশ সম্পূৰ্ণ মানি আছে ৷ ক’ৰ’নাৰ আতংক দিনক দিনে বাঢ়ি আছে ৷ অস্থিৰ হৈ পৰিছে দেশৰ অৰ্থব্যৱস্থা ৷ চৰকাৰে অৰ্থনৈতিক দিশৰ যোৰা টাপলি মৰাৰ উদ্দেশ্যে ইতিমধ্যে খুলি দিছে দোকানৰ পৰা যাতায়ত ব্যৱস্থালৈ, মিঠাইৰ দোকানৰ পৰা কাপোৰৰ দোকানলৈ ৷ অচিৰেই আৰাম্ভ হব নিয়মিত ৰেল বিমান সেৱা ৷  প্ৰতি ক্ষেত্ৰত বান্ধি দিছে কিছু নীতি নিয়ম ৷ কিন্তু অতি আশ্চৰ্যজনক ভাবে খোলাৰ অনুমতি দিয়া নাই “জিম” সমূহৰ ৷ সচেতন বিভিন্নজনৰ অনুৰোধৰ পিছতো সলনি হোৱা নাই নিৰ্দেশ ৷ সামাজিক দূৰত্ব ৰ দিশটোক লৈ ৰাইজ ভালেখিনি সজাগ হৈছে ৷ এনেও জিম ৰ ভিতৰত সচৰাচৰ এজনৰ পৰা আনজন যথেষ্ট নিলগত ৰৈয়ে ব্যায়াম কৰে ৷ বাকী থাকিল মাস্ক পৰিধানৰ বিষয়টো ৷ আপাতদৃষ্টিত জিমৰ ভিতৰত নিয়ম পালন নকৰিব যেন বোধ হয় যদিও নিজৰ দেহক লৈ সচেতন লোকসকলে নিশ্চয় এই নিয়মো মানিব ৷ বাকী চেনিটাইজেচনৰ ওপৰত জিমৰ মালিকপক্ষক কঠোৰ নিৰ্দেশ দিব পাৰে ৷ একেলগে একে সময়ত কিমানজন মানুহ ব্যয়ামগাৰত সোমাব পাৰিব তাৰ স্পষ্ট নিৰ্দেশনা দি ইতিমধ্যেই আন ব্যৱসায়িক প্ৰতিষ্ঠানৰ দৰে কিছু শিথিল কৰি দিব লাগে ৷ এই ক্ষেত্ৰৰ লগত জড়িত খেলুৱৈ, প্ৰশিক্ষক আদিকে ধৰি বিভিন্নজন আৰ্থিক সমস্যাত ভূগি আছে ৷ বহু জিম ৰ গৰাকীয়ে দিব পাৰা নাই কৰ্মচাৰীৰ দৰমহা, বাকী হৈছে ভাড়াঘৰত থকা জিমবোৰৰ ঘৰভাৰা । বেংকৰ ঋণসমূহ আছেই ৷ মানসিক চাপত ভূগি আছে এই উদ্যোগৰ লগত জড়িতসকল ৷ নিয়মীয়া শৰীৰ চৰ্চা কৰাসকলৰ বহুতৰে নতুন নতুন শাৰীৰিক সমস্যাই দেখা দিছে দীৰ্ঘসময় জিম ৰ পৰা আঁতৰত থকা বাবে ৷ বহুতৰে শৰীৰ চৰ্চাৰ ক্ষেত্ৰখনক নিজৰ  পেশা হিচাপে গ্ৰহণ কৰাৰ সাহস কমি যাব ৷ আশা ৰাখিছোঁ, চৰকাৰে অতি সোনকালে এই দিশৰ পৰ্যালোচনা কৰি বিভিন্ন নীতি নিয়মৰ মাজেৰে হ’লেও “জিম” সমূহ খোলাৰ অনুমতি প্ৰদান কৰিব ৷

লেখকৰ ফোন নং- ৯৮৬৪১৪৯৬৬৪