কংগ্ৰেছ নেতৃত্বাধীন মহাজোঁটৰ প্ৰাৰ্থী প্ৰণৱ দলেলৈ পূৰ্ণ সমৰ্থন উত্তৰ মহুৰা আৰু দিচৈ কংগ্ৰেছ মণ্ডল সমিতিৰ

২১ ৰ বিধান সভা নিৰ্বাচনলৈ আৰু কেইটামান দিন বাকী থকা অৱস্থাত ৰাজ্য খনৰ প্ৰান্তে-প্ৰান্তে বিভিন্ন ৰাজনৈতিক দলৰ প্ৰাৰ্থী সকলে মনোনয়ন দাখিল কৰিছে৷৯৩ নং বোকাখাত বিধান সভা সমষ্টিত কংগ্ৰেছ নেতৃত্বাধীন মহা জোঁট বন্ধনৰ সমৰ্থিত যুৱ নেতা প্ৰণৱ দলেয়ে বোকাখাতত মনোনয়ন পত্ৰ ৮ মাৰ্চৰ দিনা দাখিল কৰে।যুৱ নেতা প্ৰণৱ দলে নিজৰ শক্তি প্ৰদৰ্শনেৰে লগত গৰিষ্ঠ সংখ্যক সমৰ্থকৰ লগতে বোকাখাতৰ বাওঁপন্থী নেতা কমলেশ্বৰ ৰাজখোৱাৰ পত্নী জেষ্ঠ বাওঁপন্থী নেত্ৰী নিলীমা ৰাজখোৱা আৰু কৃষক নেতা সোনেশ্বৰ নৰহক লগত লৈ মহকুমাধিপতিৰ হাতত মনোনয়ন দাখিল কৰাৰ সমান্তৰালককৈ মহা জোঁট বন্ধনৰ মূল অংশীদাৰ কংগ্ৰেছৰ বোকাখাত ব্লেক সমিতিয়ে কোনোপধ্যেই প্ৰণৱ দলেক সমৰ্থন কৰা নহব বুলি বিদ্ৰোহ ঘোষণা কৰি বোকাখাতৰ কংগ্ৰেছ কাৰ্যালয়ৰ সন্মুখত অজিত ভূঞাৰ পুত্তলিকা দাহ কৰি কাৰ্যালয়টোত তলা উলমাইছিল যদিও আজি উত্তৰ মহুৰা মণ্ডল কংগ্ৰেছ সমিতি আৰু দিচৈ মণ্ডল কংগ্ৰেছ সমিতিয়ে সকলো বাদ বিবাদ পৰিহাৰ কৰি কংগ্ৰেছ নেতৃত্বাধীন মহা জোঁটৰ প্ৰাৰ্থী প্ৰণৱ দলেক পূৰ্ণ সমৰ্থন আগবঢ়োৱাৰ কথা দিচৈ কংগ্ৰেছ মণ্ডল সমিতিৰ সভাপতি সুৰেশ মৰাং আৰু উত্তৰ মহুৰা আঞ্চলিক মণ্ডল সমিতিৰ কাৰ্যকৰী সভাপতি ললিত দাৱে জানিবলৈ দিছে।