ভূটানৰ চানদ্ৰুপ জংখাৰত অক্সিজেন প্লাণ্ট পৰিদৰ্শন পিষুজ হাজৰিকা আৰু বিশ্বজিৎ দৈমাৰীৰ

মহামাৰী কৰ’নাৰ ভয়াবহ সংক্ৰমণৰ সময়ত দেশজুৰি অক্সিজেনৰ নাটনিৰ খবৰে জনসাধাৰণক উদ্বিগ্ন কৰি তুলিছে । কিন্তু ইয়াৰ মাজতে দেশবাসীৰ কাৰণে এক সুখবৰ কঢ়িয়াই অনা পৰিলক্ষিত হৈছে ।

দেওবাৰে অসমৰ স্বাস্থ্য মন্ত্ৰী ড° হিমন্ত বিশ্ব শৰ্মাৰ নিৰ্দেশ মৰ্মে ৰাজ্যিক স্বাস্থ্য মন্ত্ৰী পিষুজ হাজৰিকা আৰু ৰাজ্য সভাৰ সাংসদ বিশ্বজিৎ দৈমাৰীয়ে ভূটানৰ চানদ্ৰুপ জংখাৰত যোৱা বছৰ কভিডৰ সময়ত আৰম্ভ কৰা অক্সিজেন প্লাণ্ট এটা পৰিদৰ্শন কৰে । উল্লেখযোগ্য যে যোৱা বছৰ লকডাউনৰ বাবে এই অক্সিজেন প্লান্তটো বন্ধ হৈ আছিল। মন্ত্ৰী পিষুজ হাজৰিকা আৰু সাংসদ বিশ্বজিৎ দৈমাৰীয়ে জানিবলৈ দিয়া মতে এই অক্সিজেন প্লান্টটো সম্পূৰ্ণ হৈ উঠিবলৈ প্ৰায় ৪০ দিন সময় লাগিব। অক্সিজেন প্লান্তটো সম্পূৰ্ণ হৈ উঠিলে প্ৰতিদিনে ৫০ মেট্ৰিক টন অক্সিজেন উৎপন্ন হ’ব আৰু তেতিয়া দেশত অক্সিজেনৰ অভাৱ বহুলাংশে লাঘৱ হ’ব।