শুভ উদ্ধোধন কৰাৰ ৩ মাহৰ পিছতো মুকলি কৰা নহল ওদালগুৰি জিলাৰ মাজবাটত অৱস্থিত মহলীয়াপাৰা আদৰ্শ চিকিৎসালয়ৰ খন ৷আদৰ্শ চিকিৎসালয় থাকিও চিকিৎসা সেৱাৰ পৰা বঞ্চিত বৃহত্তৰ মাজবাট অঞ্চলৰ ৰাইজ। দেশত তথা ৰাজ্যত ইতিমধ্যে মহামাৰী কাল কৰণাই ভয়ংকৰ ৰূপ ধাৰণ কৰিছে। সমগ্ৰ ওৰাং,মাজবাট অঞ্চল সমুহত প্ৰতিদিনে মহামাৰী কৰোণাত আক্ৰান্তৰ সংখ্যা বৃদ্ধি হৈ ২শতাধিক হৈছে ৷ কভিডৰ সংক্ৰমণৰ বাবে চিকিৎসালত অভাব হৈছে চিকিৎসা সেৱা আৰু বিচনাৰ। কভিডৰ ভয়াবহ সংক্ৰমণৰ পিছতো মাজবাটৰ মহলীয়াপাৰা আদৰ্শ চিকিৎসালয়ত চলা নাই চিকিৎসা সেৱা। আনুষ্ঠানিক ভাবে চিকিৎসালয় খন মুকলি কৰাৰ পিছতো আজিলৈকে ৰাইজৰ চিকিৎসা সেৱাৰ বাবে কাৰ্যক্ষম হৈ নুঠিল আদৰ্শ চিকিৎসালয় খন। আদৰ্শ চিকিৎসালয় খন উদ্বোধন হোৱা প্ৰায় তিনি মাহ হ’ল। যোৱা ১৭ ফেব্ৰুৱাৰীত বিটিচিৰ মূখ্য কাৰ্যবাহী সদস্য প্ৰমোদ বড়ো আৰু বিটিচিৰ স্বাস্থ্য বিভাগৰ কাৰ্যবাহী সদস্য অৰূপ দে’ই আনুস্থানিক ভাবে উদ্বোধন কৰিছিল আদৰ্শ চিকিৎসালয় খন। কিন্ত মহলীয়াপাৰা আদৰ্শ চিকিৎসালয় খন আনুষ্ঠানিক ভাৱে উদ্বোধন কৰাৰ পিছতো দুৰ্ভাগ্যজনক ভাবে চিকিৎসালয় খনত আৰাম্ভ নহ’ল চিকিৎসা সেৱা। আদৰ্শ চিকিৎসালয় খনত নাই কোনো বিভাগীয় কৰ্মচাৰী নাই কোনো চিকিৎসক অথবা নাৰ্চ। আদৰ্শ চিকিৎসালয় খনত ৰাইজৰ চিকিৎসা সেৱা প্ৰদানৰ পৰিবৰ্তে চিকিৎসালয় খনৰ গেটত উলমি ৰৈছে প্ৰকাণ্ড তলা। চিকিৎসালয় খনত চিকিৎসা সেৱা উপলব্ধ নোহোৱা বাবে সমস্যাত ভুগিবলগীয়া হৈছে বৃহত্তৰ মাজবাট অঞ্চলৰ ৰাইজে। দুৰ্ভাগ্যজনক ভাবে আদৰ্শ চিকিৎসালয়খন উদ্বোধন কৰাৰ তিনি মাহৰ পিছত আজিলৈকে কি কাৰণত আৰাম্ভ নহল চিকিৎসা সেৱা তাক লৈ প্ৰতিক্ৰিয়াৰ সৃষ্টি হৈছে। মহামাৰী কাল কৰোণাৰ বিভীষিকাত প্ৰতিদিনে গম সংক্ৰমণ আৰু কভিডত আক্ৰান্তৰ সংখ্যা বৃদ্ধি পাইছে। সকলোৱে সজাগ সচেতন হৈ কৰোণাৰ পৰা পৰিত্ৰাণ বিচাৰি হাঁহাকাৰ কৰিছে। উদ্বেগজনক হাৰত বৃদ্ধি পোৱা কৰোণাৰ সংক্ৰমণৰ বাবে চিকিৎসালয়ত নাটনি হৈছে চিকিৎসা সেৱাৰ। কিন্তু চৌদিশে ইমান ভয়ংকৰ পৰিস্থিতিৰ পিছতো চিকিৎসা সেৱা উপলব্ধ হোৱা নাই মাজবাটৰ মহলীয়াপাৰা আদৰ্শ চিকিৎসালয়ত। চিকিৎসালয় খনত অতি শ্ৰীঘ্ৰে চিকিৎসাসেৱা প্ৰদান কৰিবলৈ মাজবাটৰ বিভিন্ন জাতীয়-জনগোষ্ঠীয় দল সংগঠনে দাবী জনাইছে। প্ৰতিদিনে ওদালগুৰি জিলাৰ লগতে মাজবাট অঞ্চলত কভিড আক্ৰান্তৰ সংখ্যা বৃদ্ধি পোৱাত চিন্তিত হৈ পৰিছে দল সংগঠনৰ লগতে সাধাৰণ জনতা। কভিড সংক্ৰমণৰ পৰা ৰক্ষা পাবলৈ অতি শীঘ্ৰে মহলীয়া পাৰা আদৰ্শ চিকিৎসালয় খনত চিকিৎসা সেৱা প্ৰদান কৰিবলৈ মাজবাট ৰাজহ চক্ৰ বিষয়াৰ জড়িয়তে স্বাস্থ্য মন্ত্ৰী আৰু স্বাস্থ্য বিভাগলৈ স্মাৰক পত্ৰ প্ৰেৰণ কৰিছে মাজবাটৰ কেইবাটাও দল-সংগঠনে। অতি শীঘ্ৰে আদৰ্শ চিকিৎসালয় খনত চিকিৎসা সেৱা প্ৰদান নকৰিলে স্বাস্থ্য বিভাগৰ বিৰুদ্ধে আন্দোলন গঢ়ি তোলাৰ হুংকাৰ প্ৰদান কৰিছে দল-সংগঠনসমূহে। নিৰ্বাচনৰ প্ৰাকমূহুৰ্তত ততাতৈয়াকে চিকিৎসালয় খন উদ্বোধন কৰি দায়িত্ব সামৰি চিকিৎসা সেৱা প্ৰদান নকৰাৰো অভিযোগ উত্থাপন কৰিছে দল সংগঠনসমুহে। অতি শীঘ্ৰে আদৰ্শ চিকিৎসালয় খনত কভিডৰ চিকিৎসা সেৱা প্ৰদান কৰি মাজবাটবাসী ৰাইজক উপকৃত কৰিবলৈ দাবী জনাইছে ওদালগুৰি জিলা সচেতন নাগৰিক সমিতিয়ে ৷ওদালগুৰি জিলা সচেতন নাগৰিক সমিতিয়ে এক প্ৰেছ বিবৃতিযোগে প্ৰশ্ন কৰিছে যে -তিনিমাহ পূৰ্বে মাজবাট অঞ্চলস্থিত মহলিয়াপাৰা আদৰ্শ চিকিৎসালয় উদ্বোধন হোৱাৰ পিছত বিশ্বজুৰি কৰনা মহামাৰীয়ে কালৰূপ ধাৰণ কৰা পিছতো তাত চিকিৎসা সেৱাৰ পৰিবৰ্তে চিকিৎসালয়খনত কিয় উলমি আছে আজি প্ৰকাণ্ড তলা কিয় ?এনেধৰণৰ দৃশ্যাংশ হৈছে ওদালগুৰি জিলাৰ মাজবাট অঞ্চলস্হিত মহলিয়াপাৰা আদৰ্শ চিকিৎসালয় এখনৰ উদ্বোধনী অনুষ্ঠানৰ । যত উদ্বোধন কৰিছে বিটিছিৰ মুখ্য কাৰ্য্যবাহী সদস্য প্ৰমোদ বড়োই । আপোনাৰ হয়টো মনত প্ৰশ্ন উদয় হৈছে হস্পিতালখনৰ সেৱা বৰ্তমান কেনে চলিছে ? অতি দুখ জনক কথা যে হস্পিতালখন ১৭ ফেব্ৰুৱাৰী ২০২১ তেই উদ্বোধন কৰা হৈছিল যদিও চিকিৎসালয় খনত চিকিৎসা সেৱাৰ পৰিবৰ্তে লাগি আছে বৰ্তমানে এটি প্ৰকাণ্ড তলা । নাই তাত কোনো বিভাগীয় কতৃপক্ষ, নাই তাত কোনো চিকিৎসক নাৰ্চ । বৰ্তমান বিশ্বজুৰি কৰনা মহামাৰিয়ে কালৰূপ ধাৰণ কৰিছে । প্ৰতিদিনে মহামাৰীত আক্ৰান্ত হোৱাৰ লগতে মৃত্যুৰ সংখ্যাও বৃদ্ধি পাইছে যাৰ বাবে চিকিৎসালয়ত চিকিৎসা সেৱাৰ অভাৱ হোৱা পৰিলক্ষিত হৈছে । তেনেস্থলত মাজবাট স্থিত মহলীয়াপাৰা আদৰ্শ চিকিৎসালয় খন তিনিমাহ পূৰ্বে উদ্বোধন হোৱাৰ পিছতো আজিলৈ কিয় তাত চিকিৎসা সেৱা উপলব্ধ নহল বিষয়টোক লৈ চিন্তাত পৰিছে মাজবাটবাসী ৰাইজে বুলি সংগঠনটোবে তীব্ৰ ক্ষোভ প্ৰকাশ কৰিছে ৷ গতিকে চিকিৎসালয়খনত ওলোমাই থোৱা প্ৰকাণ্ড তলাটো আঁতৰাই যাতে চিকিৎসা সেৱা প্ৰদান কৰাৰ ব্যৱস্থা অতি শীঘ্ৰে কৰাৰ দাবীত সংগঠনটোবে স্বাস্থ্য মন্ত্ৰী আৰু স্বাস্থ্য বিভাগক দাবী জনাইছে ৷
