শপত গ্ৰহণৰ পাছতেই মুখ্যমন্ত্ৰীক শুভেচ্ছা প্ৰধানমন্ত্ৰী নৰেন্দ্ৰ মোদীৰ

সোমবাৰে ৰাজ্যৰ ১৫ সংখ্যক মুখ্যমন্ত্ৰী হিচাপে শপত গ্ৰহণ কৰিলে ড০ হিমন্ত বিশ্ব শৰ্মাই। মুখ্যমন্ত্ৰীগৰাকীয়ে শপত গ্ৰহণ কৰাৰ পাছতেই নৱ নিযুক্ত মুখ্যমন্ত্ৰীগৰাকীক টুইটাৰ যোগে শুভেচ্ছা জ্ঞাপন কৰে দেশৰ প্ৰধানমন্ত্ৰী নৰেন্দ্ৰ মোদীয়ে।
ইফালে নতুন মন্ত্ৰীসভাত শপত গ্ৰহণ কৰা আন আন মন্ত্ৰীসকলকো শুভেচ্ছা জ্ঞাপন কৰিছে প্ৰধানমন্ত্ৰীগৰাকীয়ে। লগতে অসমৰ উন্নয়ণৰ তথা ক্ষেত্ৰৰ লগতে ৰাইজৰ আশা আকাংক্ষাক পূৰণ কৰিবলৈ সক্ষম হ’ব বুলিও প্ৰকাশ কৰে। 
ইয়াৰোপৰি, যোৱা ৫ বছৰে শাসনত থকা সৰ্বানন্দ সোণোৱালৰ নেতৃত্ব চৰকাৰৰো প্ৰশংসা কৰে প্ৰধানমন্ত্ৰী নৰেন্দ্ৰ মোদীয়ে।