ক’ৰণাৰ ভয়াবহ সংক্ৰমণৰ প্ৰতি লক্ষ্য ৰাখি সমগ্ৰ ৰাজ্যজুৰি সন্ধিয়া ৬ঃ০০ বজাৰৰ পৰা পুৱা ৫ঃ০০ বজালৈ বলবত কৰা হৈছে সান্ধ্য আইন|উক্ত সময়চোৱাত ৰাজপথত অত্যাৱশ্যেকীয় সেৱা সমূহৰ বাহিৰে আন যান-বাহনসমূহ চলাচল কৰিব নোৱাৰে যদিও গভীৰ নিশালৈকে মাৰ্ঘেৰিটাত চলাচল হৈ থাকে যান- বাহন| মাৰ্ঘেৰিটাৰ ৰাষ্ট্ৰীয় ঘাইপথত সান্ধ্য আইন উলংঘন কৰি চলাচল কৰি থকা ডাম্পাৰ , ট্ৰাক , বলে’ৰকে ধৰি বিভিন্ন সৰু বৰ গাড়ীসমূহত চোৰাং কয়লা সৰবৰাহ হোৱা অভিযোগ তিনিচুকীয়া জিলা ছাত্ৰ মুক্তি সংগ্ৰাম সমিতিৰ| অবৈধ ভাবে বাহনসমূহ চলাচল কৰি আছে যদিও মাৰ্ঘেৰিটা আৰক্ষীৰ প্ৰশাসনে ৰহস্যজনক কাৰণত সান্ধ্য আইন ভংগকাৰী এই অবৈধ যান বাহনৰ ক্ষেত্ৰত নিৰৱতা অৱলম্বন কৰা অভিযোগ ছাত্ৰ সংগঠনটো| তিনিচুকীয়া জিলা প্ৰশাসনক অতি শীৰ্ঘ্ৰ এই অবৈধ ব্যৱসায় বন্ধ কৰিবলৈ ছাত্ৰ সংগঠনটোৱে দাৱী জনাইছে| অন্যথা ছাত্ৰ সংগঠনটোৱে গণতান্ৰিক আনন্দোলনৰ কাৰ্যসূচী লবলৈ বাধ্য হব বুলি সঁকিয়াই দিছে|
