ডিগবৈৰ বিস্ফোৰণ, আলফা (স্বাঃ)ৰ বিবৃতি

শুকুৰবাৰে ডিগবৈ টিংৰাইত সংঘটিত হয় গ্ৰেনেড বিস্ফোৰণ। টিংৰাইৰ এখন ব্যৱসায়িক প্ৰতিষ্ঠানৰ সন্মুখত সংঘটিত হোৱা বিস্ফোৰণটোত গুৰুতৰভাৱে আঘাতপ্ৰাপ্ত হৈছে ৩ জনকৈ লোক। আনহাতে ইয়াৰে এজন ডিগবৈ চিকিৎসালয়লৈ নি থকা অৱস্থাতে নিহত হৈছে। বিস্ফোৰণ সংঘটিত হোৱাৰ কিছু সময়ৰ পাছতে ঘটনাস্থলী পৰিদর্শন কৰে স্থানীয় বিধায়ক সুৰেন ফুকনে। ঘটনা সংঘটিত হোৱাৰ পাছতে অনেকে সন্দেহৰ আঙুলি তুলিছিল আলফা (স্বাঃ)লৈ। পিছে কিছু সময়ৰ পাছতে আলফা (স্বাঃ)এ এক বিবৃতিযোগে এই গ্ৰেনেড বিস্ফোৰণ কাণ্ডৰ লগত কোনো প্ৰকাৰে জড়িত নহয় বুলি মত প্ৰকাশ কৰে।