ৰাজ্যখনত ভয়াবহ ভাৱে বাঢ়ি অহা দ্বিতীয় পৰ্যায়ৰ কৰোনা মহামাৰী ওদালগুৰি জিলাতো দিনক দিনে ক’ৰুণাত আক্ৰান্ত আৰু মৃত্যুৰ সংখ্যা দ্ৰুতগতিত বৃদ্ধি পোৱাত জিলাখনত এক আতংকময় পৰিবেশৰ সৃষ্টি হৈছে। স্বাস্হ্য বিভাগৰ পৰা পোৱা তথ্য অনুসৰি ২০মেত ওদালগুৰিত ৮৮ গৰাকী কৰোনাত আক্ৰান্ত হৈছে।এইলৈ ওদালগুৰিত এক এপ্ৰিলৰ পৰা ২০মেলৈ আক্ৰান্তৰ সংখ্যা ১৭১৯ গৰাকীলৈ বৃদ্ধি পালে। স্বাস্হ্য বিভাগৰ জনোৱা মতে ২০মেলৈ ১৭৭৬ গৰাকীক পৰীক্ষা কৰাৰ পিছত ৮৮ গৰাকী দেহত কৰোনা ধৰা পৰে।ইয়াৰ ভিতৰৰ ৯১ গৰাকী ওদালগুৰি অসামৰিক চিকিৎসালয়ত চিকিৎসাধীন হৈ থকাৰ বিপৰীতে ৩৪৬ গৰাকী হোম আইচিলেচনত চিকিৎসাধীন আছে।সুস্হ হৈ উঠা ৬০ গৰাকীক ঘৰলৈ যাবলৈ দিয়া হয়।ইপিনে-২০মে ২ গৰাকী ক’ভিডত মৃত্যু হোৱাত শেহতীয়া তথ্য অনুসৰি ওদালগুৰিত মাৰ্চ’২১ৰ পৰা এতিয়ালৈকে মৃত্যু হোৱা লোকৰ সংখ্যা ৩০ গৰাকীলৈ বৃদ্ধি পালে।নিজ বাস গৃহতে যোৱা এসপ্তাহ ধৰি হোম আইচেলেচনত থকা ওদালগুৰিৰ ৰণথলী বাগিছাৰ ৰজনী হাজৰিকাৰ (৬৫)ৰ ২০মেৰ বিয়লি ৩ বজাত মৃত্যু হয়।।সেয়ে এনে ভয়াবহতাৰ প্ৰতি লক্ষ্য ৰাখি সকলো ৰাইজকে সজাগ আৰু সচেতন হৈ মাস্ক ব্যৱহাৰ কৰাৰ লগতে সামাজিক দূৰত্ব বজাই ৰাখি কভিডৰ নীতি নিৰ্দেশনা মানি চলিবলৈ স্বাস্হ্য বিভাগে আহ্বান জনায়।ওদালগুৰি জিলাৰ অম্বাগাওৰ ২নং উলুবাৰী আৰু ১নং উলুবাৰী গাওঁত কেইবাজনো লোকৰ দেহত ক’ভিদ পজিটিভ ধৰা পৰাত ৰাইজৰ মাজত ব্যাপক আতংকৰ সৃষ্টি হৈছে ৷ চলিত মাহটোৰ ভিতৰতে কেথলিক মিশ্চনৰ ফাদাৰ প’ল তিৰ্কি (৩৪) আৰু জেমচ দৈমাৰী ( ২৬) নামৰ দুজন চফল ডেকাৰ মৃত্যুই গাওঁ তথা অন্চলটোত আতংক মাৰ নাযাওতেই ১৮আৰু১৯ মেত গাওঁখনত চিকিৎসা বিভাগৰ দ্বাৰা RAT পৰীক্ষাৰ অন্তত এগৰাকী শিশুকে ধৰি ৩ গৰাকী লোকৰ দেহত কৰোনাৰ উপস্থিতি ধৰা পৰে ৷ আনহাতে ওচৰৰে ১নং উলুবাৰী গাওঁখনত একেটা পৰিয়ালৰে ৪ জনকৈ ব্যক্তিৰ দেহত ক’ভিদ পজিটিভ ধৰা পৰে ৷আক্ৰান্ত লোক সকল জন দৈমাৰী ( ২৯)তওঁৰে ৩বছৰৰীয়া সন্তান আৰু নিজৰা কোৱৰ( ১৮) ১নং উলুবাৰী গাওঁৰ আক্ৰান্ত ব্যক্তি কেইগৰাকী হল ধনবহাদুৰ চেত্ৰী (৬৫) গীতা চেত্ৰী ( ৬০) দীপক ৪৫ ,প্ৰকাশ ৩৫ বিকাশ চেত্ৰী ৩৩৷
