যোৱা ২০ জুন ৰবিবাৰে ভূৰাগাঁৱৰ বালিডোঙাত সংঘটিত হৈছিল এক নৃশংস ঘটনা।এগৰাকী ৯ বছৰীয়া কন্যাশিশুক প্ৰথমে ধৰ্ষণ তাৰ পিছত নৃশংসভাৱে হত্যা কৰি পেলাই থৈছিল মৰাপাট খেতিৰ মাজত। উক্ত ঘটনাৰ ৬ দিন উকলি যোৱাৰ পিছতো আৰক্ষীয়ে অপৰাধীক গ্ৰেপ্তাৰ কৰিবলৈ সক্ষম হোৱা নাই। শুক্ৰবাৰে ঘটনাৰ তদন্ত প্ৰক্ৰিয়াৰ বুজ লবলৈ ভূৰাগাঁৱত উপস্থিত হয় ৰাজ্যৰ মূখ্যমন্ত্ৰী ড০ হিমন্ত বিশ্ব শৰ্মা। ভুক্তভোগী পৰিয়ালটোৰ সৈতে বাৰ্তালাপ কৰি শীঘ্ৰেই অপৰাধীক গ্ৰেপ্তাৰৰ আশ্বাস দিয়ে মূখ্যমন্ত্ৰী গৰাকীয়ে। আজি আমছুৰ এটা সজাতি দলে ভুক্তভোগী পৰিয়ালটোৰ ঘৰত উপস্থিত হৈ ফাষ্ট্ৰেক আদালতৰ জৰিয়তে অপৰাধীৰ দৃষ্টান্তমূলক শাস্তিৰ দাবী জনোৱাৰ লগতে ঘটনাটোৰ তদন্ত প্ৰক্ৰিয়াৰ বুজ লবলৈ ভূৰাগাৱঁত মূখ্যমন্ত্ৰী উপস্থিত হোৱাৰ বাবে ধন্যবাদ ও কৃতজ্ঞতা জ্ঞাপন কৰে।
