কাকজানঃ
যোৰহাট জিলাৰ খাদ্য আৰু অসামৰিক যোগান বিভাগৰ অধীনৰ টীয়ক সমবায় সমিতিৰ টীয়ক বাম গুৱাল গাঁৱৰ সুলভ মূল্যৰ দোকানৰ এজেন্ট পার্থ হাজৰিকাক কালি টীয়ক আৰক্ষীয়ে আটক কৰে। প্ৰাপ্ত বাতৰি মতে দেশত চলি থকা লকডাউনৰ সময়ত ৰাজ্য চৰকাৰে দৰিদ্ৰ জনসাধাৰণৰ বাবে আগবঢ়োৱা চাউল ৰাইজক বঞ্চিত কৰি ক’লা বজাৰ বিক্ৰী কৰাৰ অভিযোগ উঠে। উক্ত অভিযোগৰ ভিত্তিত যোগান বিভাগে তদন্ত কৰি দোকানখন ছিল কৰি দিয়াৰ উপৰিও এজেন্ট পার্থ হাজৰিকাৰ বিৰুদ্ধে টীয়ক থানাত এক গোচৰ পঞ্জীয়ন কৰে। আৰক্ষীয়ে উক্ত গোচৰৰ ভিত্তিত হাজাৰিকাক আটক কৰি জেল হাজোতলৈ প্ৰেৰণ কৰে। ইফালে এখন কাকতত আৰু এটি পৰ্টেল চেনেলত সংবাদ সেৱা কৰা পার্থ ইউনিয়নৰ সদস্য আছিল । উক্ত ইউনিয়নৰ এক জৰুৰী বৈঠকত তেওঁক প্ৰাথমিক সদস্য পদৰ পৰা নিলম্বন কৰা হৈছে বুলি সভাপতি সম্পাদকে জনাইছে ।