অভিনেতা দিলীপ কুমাৰ আৰু নাই

বলীউডৰ প্ৰবীণ অভিনেতা দিলীপ কুমাৰ আৰু নাই ৷ তেওঁ আজি ৰাতিপুৱা ৭.৩০ বজাত শেষ নিশ্বাস ত্যাগ কৰে। মৃত্যুৰ সময়ত তেখেতৰ বয়স হৈছিল ৯৮ বছৰ ৷ দিলীপ কুমাৰক উশাহ-নিশাহৰ অসুবিধাৰ বাবে ২৯ জুনত মুম্বাইৰ হিন্দুজা চিকিৎসালয়ত ভৰ্তি কৰোৱা হৈছিল। স্বাস্থ্যজনিত সমস্যাৰ বাবে তেওঁক আইচিইউ ৱাৰ্ডত ভৰ্তি কৰোৱা হৈছিল। তেখেতে ৮ বাৰ ফিল্ম ফেয়াৰ এৱাৰ্ড পোৱাৰ লগতে ১৯৯৪ চন দাদা চাহেব ফাল্কে বঁটা লাভ কৰিছিল ৷ অভিনয় জগতলৈ তেখেতে আগবঢ়োৱা অৱদানৰ বাবে ভাৰত চৰকাৰে তেখেতক ১৯৯১ চনত পদ্মভূষণ আৰু ২০১৫ চনত পদ্মবিভূষণ বঁটাৰে সন্মানীত কৰিছিল৷ তেখেতে ৰাজ্য সভাৰো সাংসদ আছিল ৷ বিশিষ্ট অভিনেতা গৰাকী হিন্দী বোলছবি জগতৰ
“ট্ৰেজেডী কিং” হিচাবে জনাজাত আছিল ৷