গোৱালপাৰা জিলাৰ লক্ষীপুৰ থানাত নতুনকৈ যোগদান কৰিয়েই ভাৰপ্ৰাপ্ত বিষয়া ভীম কান্ত পেগুয়ে দুগৰাকীকৈ জাল নোট সৰবৰাহকাৰীক জালনোট সহ গ্ৰেপ্তাৰ কৰিবলৈ সক্ষম হয় । আটক হোৱা এই দুই জাল নোট সৰবৰাহকাৰী দুজন মেঘালয়ৰ ধনেছ ই চাংমা আৰু মাছান চাংমা বুলি জানিব পৰা গৈছে । ভাৰ প্ৰাপ্ত বিষয়া গৰাকীয়ে কালি সন্ধিয়া এক অভিযান চলাই অসম মেঘালয় সীমান্তৰ ভীম কোছ পাৰ ঘাটত চল্লিশ খনকৈ দুহেজাৰ টকীয়া জাল নোট লেন দেন কৰি থকা অৱস্থাত জাল নোট খিনি সহ সৰবৰাহকাৰী দুজনক আটক কৰে । এনে জালনোট সমুহ মেঘালয়ৰ পৰা অনা বুলি সন্দেহ কৰা হৈছে । অধিক তথ্যৰ বাবে আৰক্ষীয়ে তদন্ত অব্যাহত ৰাখিছে ।
