লংকা:
ক’ৰণাৰ আতংকৰ মাজতেই ৰাজ্যত বানৰ সংহাৰী ৰূপ । তাৰ সমান্তৰাল ভাবে হোজাইতো কপিলী নৈ বাহনী পানীয়ে নৈ পৰিয়া বিভিন্ন অঞ্চল বুৰাই পেলাইছে । কপিলীৰ নৈৰ বলিয়া বানে বিস্তৰ ক্ষতি কৰিছিল হোজাইৰ বহু নৈপৰীয়া গাওঁ। গাওঁৰ বহু ঠাইত এতিয়াও শুকুৱা নাই পানী, বৰ্তমানো আশ্রয় শিবিৰত বহুলোক ।দৰাচলতে পানীত হাহঁ নচৰা অৱস্থা নৈ পৰীয়া ৰাইজৰ।উক্ত নৈ পৰীয়া ৰাইজৰ পৰিস্হিতি বুজ ল’বলৈ আৰু বান পৰিস্থিতি প্ৰৰ্য্যবেক্ষণ কৰিবলৈ হোজাইৰ নভঙা, দক্ষিণ কেন্দ্ৰূগুৰি আৰু হাতীমৰা অঞ্চলত উপস্হিত হয় অসমৰ মুখ্যমন্ত্ৰী সৰ্বানন্দ সোণোৱাল । হাতীমৰা গাওঁৰ কপিলী নৈ গঢ়া সহনীয়াৰ পৰ্য্যবেক্ষণ কৰাৰ লগতে অঞ্চলটোৰ আশ্রয় শিবিৰত থকা লোকসকলৰ অৱস্হা বুজ লয় মূখ্যমন্ত্ৰী গৰাকীয়ে । পৰ্য্যবেক্ষণ কালত উপস্হিত থাকে মন্ত্ৰী পিয়ুজ হাজৰিকা, হোজাই আৰু লামডিং সমষ্টিৰ দুই বিধায়ক, বিজেপি নেতা-কৰ্মী আৰু জিলা প্ৰশাসনৰ মূৰব্বী সকল । লগতে বানপিৰিত ৰাইজক ক্ষতিপূৰণ দিয়া হ’ব বুলি মন্তব্য প্ৰকাশ কৰে মূখ্যমন্ত্ৰী গৰাকীয়ে লগতে ক’ৰণা ভাইৰাছৰ বিষয়েও চৰকাৰখনে লোৱা বিভিন্ন প্ৰদক্ষেপৰ ওপৰতো মন্তব্য প্ৰকাশ কৰে ।
