আবুল হাছেম, দলগাও
দলগাওঁ ৰাজহ চক্ৰৰ অন্তৰ্গত খাৰুপেটীয়া মহাবিদ্যালয় ছাত্রী নিবাস কোৱাৰান্টাইন কেন্দ্ৰত ছিকন্দৰ আলি, নজৰুল ইছলাম আৰু শেইখ ফৰিদ নামৰ তিনিজন ক’ভিড-১৯ ৰোগী চিনাক্ত হোৱাৰ পিছত সংক্ৰমণ ৰোধ তথা জনসাধাৰণক স্বাস্থ্যকৰ পৰিৱেশত ৰখাৰ অৰ্থে সমগ্ৰ খাৰুপেটীয়া মহবিদ্যালয়ৰ ছাত্রী নিবাস চৌহদ কনটেইনমেন্ট জ’ন হিচাপে ঘোষণা কৰা হৈছে । উক্ত চৌহদলৈ তথা চৌহদৰ পৰা কোনো লোক বা বাহন অকৰ্তৃত্বশীলভাৱে প্ৰবেশ বা প্ৰস্হান কৰিব নোৱাৰিব । লগতে সামাজিক দূৰত্ব বজাই ৰখাকে ধৰি আন আন নিৰ্দেশনাসমূহ এই এলেকাত কঠোৰভাৱে মানি চলিব লাগিব ।সুৰক্ষিত হিচাপে ঘোষণা নকৰা পৰ্যন্ত এই আদেশ বাহাল থাকিব আৰু যদি কোনোবাই এই নিৰ্দেশনা মানি নচলে, আইন অনুসৰি বিহিত ব্যৱস্থা গ্ৰহণ কৰা হ’ব ।