গুৱাহাটী ।
মহানগীৰত লকডাউনৰ মাজতে চুৰি হ’ল এখন পালছাৰ বাইক।প্ৰাপ্ত তথ্যমতে বেলতলা চাৰ্ভে অঞ্চলৰ ইয়ুকো বেংকৰ সমীপতে সংঘটিত হয় এইচুৰি কাণ্ড।বাইকখনৰ গৰাকী তথা সংবাদকৰ্মী মোছাদ্দিক হোছেইন উক্ত স্থানত কম্পিউটাৰৰ বিশেষ কামত ব্যস্ত আছিল।পিছত ঘৰলৈ যাবৰ সময়ত বাইকখন বিচাৰি নাপালে।লগে লগে আৰক্ষীক লিখিতভাবে অবগত কৰা হৈছে হাতীগাঁও থানাত আই পিচি ৩৭৯ ধাৰাত ২৭২/২০ নম্বৰত গোচৰ পঞ্জীয়ন হৈছে।এছ আই অৰুণ বৰুৱাই উক্ত গোচৰৰ অনুসন্ধান কৰিছে যদিও বৰ্তমানলৈ চুৰি বাইকখনৰ সন্ধান উলিওৱাত ব্যৰ্থ হৈছে। বাইকখন হ’ল পালছাৰ-১৮০ মডেলৰ আৰু পঞ্জীয়ন নং হ’ল এ এছ-০১/ ৮৭৪৮ ।