মাশ্বৰুম খেতিৰে স্বাৱলম্বিতাৰ অপূৰ্ব নিৰ্দশন বৰবাৰী-বামুনিৰ জয়ন্ত কলিতা-তুলু বৰাৰ ৷

দৈনন্দিন বাৰ্তাৰ সেৱা,ননৈ

নগাঁও জিলাৰ বঢ়মপুৰ সমষ্টিৰ অন্তৰ্গত বৰবাৰী-বামুনিৰ ধনতলা জংঘল গাঁৱৰ এহাল কৰ্মোদ্যমী দম্পতীয়ে নিজৰ বুদ্ধিমত্ৰাৰ পৰিচয়ৰে তথা বাহুৰ বলেৰে কৰি গৈছে আন এক জীৱন সংগ্ৰাম ৷ লকডাউনৰ এই ভয়াৱহ পৰিস্থিতিৰ সময়তো থমকি ৰোৱা নাই তেওঁলোকৰ সৰু কাঠফুলাৰ ব্যৱসায়ৰ লগতে আন-আন ক্ষুদ্ৰ ব্যৱসায় সমূহ ৷ লকডাউনৰ সময়তো কাঠফুলা ব্যৱসায়ক পিছলৈ যাব দিয়া নাই এই কৰ্মোদ্যমী দম্পতীহালে ৷ সমানে সমানে তেওঁলোক দুয়োজনে ঘৰতে পালন কৰিছে লোকেল মুৰ্গী,ছাগলী,হাঁহ,গাইগৰু আদিৰ ওপৰি কৰি গৈছে বিভিন্ন বিধ ৰবি শস্যৰ খেতি ৷ এই দুইগৰাকী কৰ্মোদ্যমী দম্পতী হৈছে বঢ়মপুৰ সমষ্টিৰ বৰবাৰী বামুনিৰ ধনতলা জংঘল গাঁৱৰ জয়ন্ত কলিতা আৰু তুলু বৰা ৷ আজি কেইবাবছৰ ধৰি বৰবাৰী-বামুনিৰ মইনাজান চাহ বাগানত কৰ্মৰত জয়ন্ত বৰাই আজি দুইবছৰ মানৰ পৰা চাহপাত বাগানৰ কাম-কাজ কৰা বন্ধ হোবাত নিজা প্ৰচেষ্টাত ঘৰতে নিজে খোৱাৰ উপযোগীকৈ প্ৰথমাবস্থাত সৰুকৈ মাশ্বৰুমৰ খেতি কৰিবলৈ সিদ্ধান্ত গ্ৰহণ কৰে ৷ পিছলৈ ওচৰ-চুবুৰীয়া সকলে আনৰ মুখেৰে শুনি যেতিয়া তেওঁলোকৰ ঘৰত মাশ্বৰুম বিচৰা আৰম্ভ কৰিলে তেতিয়াৰ পৰাই তেওঁলোকে দুয়ো বহল ভাৱে এই মাশ্বৰুম খেতি কৰাৰ বাবে উৎসাহিত হয় আৰু মাশ্বৰুম খেতি কৰিবলৈ ধৰে ৷ তেতিয়াৰ পৰাই মাশ্বৰুম খেতিৰে স্বাৱলম্বী হৈ আহিছে এই দম্পতীহাল ৷ আনহাতে, সৰুৱে পৰা নিজা উদ্যোগত কিবা এটা কৰাৰ বাবে মনত প্ৰৱল ইচ্ছা বান্ধি ৰখা কৰ্মোদ্যমী মহিলা তুলু বৰাই ঘৰতে পুহিছে ছাগলী,গাইগৰু,লোকেল কুকুৰা,হাঁহ আদি ৷ ইয়াৰ ওপৰি তেওঁলোকে ঘৰৰ কাষৰ প্ৰায় তিনিকঠা মাটিত কৰি গৈছে বিভিন্ন বিধ ৰবিশস্য যেনে-জিকা, ভাতকেৰেলা, তিঁয়হ, ভেণ্ডি, তৰৈ, ৰঙালাও, ভূটজলকীয়া,লেচেৰা আদিৰ খেতি ৷ পথাৰৰ পৰা খেৰ কাটি,ৰ’দত শুকোৱাই পুনৰ সেই শুকান খেৰৰে প্লাস্তিকৰ পেকেট বনাই কৰা মাশ্বৰুম খেতিত সম্প্ৰতি এপাহ মাশ্বৰুমত প্ৰায় ৫০০-৬০০ গ্ৰামকৈ মাশ্বৰুম উৎপাদন হোবাত বৰ্তমান প্ৰতিমাহে বহুকেজি মাশ্বৰুম উৎপাদন কৰিবলৈ সক্ষম হোবা উদ্যমী দম্পতীহালে ব্যৱসায়ীক চাহিদা থকা বিভিন্ন প্ৰজাতিৰ মাশ্বৰুম উৎপাদন কৰি আত্মনিৰ্ভৰশীল হৈ আহিছে ৷ অতিকষ্টৰে কৰা এই সমূহ মাশ্বৰুম বজাৰত কেচা অৱস্থাত ২০০-২৫০-৩০০ টকা প্ৰতিকেজিত আৰু শুকান অৱস্থাত ৭০০-৮০০-১০০০ টকাত প্ৰতিকেজি বিক্ৰী হৈ অহাৰ বিষয়ে অৱগত কৰে তেওঁলোকে ৷ বৰ্তমান ৪৮ বছৰীয়া জয়ন্ত বৰা আৰু ৪৩ বছৰীয়া তুলু বৰা এখন সুখৰ সংসাৰৰ গৰাকী এই দম্পতী হালে আজি কোপতি কোনো চৰকাৰী আচঁনিৰ সাৰ্হায্য লাভ নকৰাকৈ নিৰলস ভাৱে নিজা প্ৰচেষ্টাত কৰি গৈছে বিভিন্ন বিধ ৰবিশস্যৰ খেতিৰ লগতে মাশ্বৰুমৰ নানন বিধ প্ৰজাতিৰ খেতি ৷ বৰ্তমান মাশ্বৰুম কম্পেনিৰ পৰা ৫২০০ টকাৰে নিজৰ নাম পঞ্জীয়ন কৰাৰ পিছতে মাশ্বৰুমৰ বিভিন্ন গুটি ক্ৰয় কৰি অধিক হাৰত মাশ্বৰুম উৎপাদন কৰি স্বাৱলম্বী হোবাৰ পথ প্ৰসস্ত হৈ পৰিছে ৷ বৰ্তমান জিলা আইন সেৱা প্ৰাধিকৰণ নগাঁৱৰ এগৰাকী অৰ্ধ-আইনী সহায়ক ৰূপে ভোগেশ্বৰী ফুকনণী অসামৰিক চিকিৎসালয়ৰ বিনামূলীয়া আইন সেৱা কেন্দ্ৰত সুচাৰু ৰূপে কৰ্তব্য সম্পাদন কৰি থকা তুলু বৰাই তেওঁৰ ঘৰত উৎপাদিত সামগ্ৰী সমূহ আন দহ জনক অপ্যায়ন কৰোবাৰ ওপৰি আনক বিলাই দি মনত বৰ তৃপ্তি লাভ কৰাৰ কথা প্ৰকাশ কৰে ৷