২০২০ বৰ্ষৰ ” স্বদেশ ৰত্ন ” সন্মানেৰে সন্মানিত হ’ল অসম সন্তান আলি হাইদৰ ।

নাজিৰা 

 ২০২০ বৰ্ষৰ মে’ মাহত উত্তৰ প্ৰদেশৰ ফৰিদাবাদৰ ” অনলাইন স্বদেশ ফাউণ্ডেচনে” আয়োজন কৰা সৰ্বভাৰতীয় পৰ্যায়ৰ এক চিত্ৰ অংকন অনুষ্ঠানত অংশগ্ৰহণ কৰি শিৱসাগৰ জিলাৰ নাজিৰাৰ অন্যতম কলা সাধক তথা চিত্ৰ শিল্পী – প্ৰশিক্ষক আলি হাইদৰে ” স্বদেশ ৰত্ন ” সন্মানেৰে সন্মানিত হৈ অসয তথা নাজিৰালৈ গৌৰৱ কঢ়িয়াই আনিবলৈ সক্ষম হয় । উক্ত অনুষ্ঠানত ভাৰতবৰ্ষৰ বিভিন্ন ৰাজ্যৰ কলা সাধক তথা চিত্ৰ শিল্পী সকলেও অংশগ্ৰহণ কৰিছিল । নাজিৰা ন- মাটিৰ নিবাসী আব্দুল তাহিৰ আৰু চুৰেয়া বেগমৰ পুত্ৰ আলি হাইদৰে” নাজিৰা চিত্ৰ কলা কেন্দ্ৰ “ৰ  মুখ্য প্ৰশিক্ষক হিচাপে পৰিচালিত কৰি অহাৰ উপৰি নাজিৰা বালিঘাটস্থ মাৰ্কজ একাডেমীৰ শিক্ষানুষ্ঠান কলা বিষয় শিক্ষক হিচাপে কৰ্মৰত । চিত্ৰ শিল্পী আলি হাইদৰে ” স্বদেশ ৰত্ন ” সন্মানেৰে সন্মানিত হোৱাত নাজিৰা মহকুমাৰ চিত্ৰ প্ৰশিক্ষাৰ্থী সকলৰ লগতে অভিভাৱক – চিত্ৰানুৰাগী সকলক উৎস্ফুলিত কৰি তুলিছে ।