উদালী তিনিআলি আৰক্ষী পহৰা চকীৰ অন্তৰ্গত ফৰেষ্ট গেটত সংঘটিত হয় দূৰ্ঘটনাটি।দূৰ্ঘটনাত আহত হয় অসম আৰক্ষীৰ ২য় এপিটিএফৰ ১৩ জনকৈ জোৱান।লামডিংস্থিত ২য় এপিটিএফৰ মুখ্য কাৰ্যালয়ৰ পৰা এখন আল্টা গাড়ীত গুৱাহাটী অভিমুখে আহি থকা অৱস্থাত একে দিশত অহা এখন ট্ৰাকে খুন্দা মৰাত সংঘটিত হয় দূৰ্ঘটনাটি।বৰ্তমান ৬জনকৈ আহত জোৱানক লংকা প্ৰাথমিক চিকিৎসালয়ত ভৰ্তি কৰাৰ বিপৰীতে গুৰুতৰভাৱে আহত ৭জন জোৱানক নগাঁওৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰা হৈছিল।দূৰ্ঘটনাত পতিত আল্টাখনত আছিল ৩২ জনকৈ জোৱান।ঘটনাৰ খবৰ পোৱাৰ লগে লগে উদালী তিনিআলী পহৰা চকীৰ আৰক্ষী উপস্থিত হৈ পথত পৰি থকা অৱস্থাত আহত জোৱানসকলক উদ্ধাৰ কৰি ভৰ্তি কৰে লংকা চিকিৎসালয়ত।বদলি হোৱাৰ বাবে লামডিংৰ মূখ্য কাৰ্যালয়ৰ পৰা ৪খনকৈ গাড়ীত জোৱান সকল আহি আছিল গুৱাহাটীলৈ।
