শোণিতপুৰ জিলাৰ বৰছলা বিধাসভা সমষ্টিৰ ঢেকীয়াজুলি ৰাজহ চক্ৰ এলেকাৰ শিঙৰী চাহ বাগিচাৰ অন্তৰ্গত লক্ষী ফিল্ডত ১০ নবেম্বৰত প্ৰাইজমাণী ফুটবল খেলৰ চুৰান্ত খেলখন অনুষ্ঠিত হয়৷শিঙৰী চাহ বাগিচাৰ লক্ষী ফিল্ডত পিৰাকটা ডিবিজনে অনুষ্ঠিত কৰা প্ৰাইজমাণী খেলৰ চুৰান্ত খেলখনত হাজাৰ হাজাৰ দৰ্শকৰ উপস্থিত সফল সামৰণি পৰে৷২০ অক্টোবৰ ২০২১ তাৰিখৰ পৰা শুভাৰম্ভ কৰা প্ৰাইজমাণী খেলখনত বিভিন্ন প্ৰান্তৰ পৰা অহা ১৬ টা ফুটবল দলে অংশগ্ৰহণ কৰিছিল৷তাৰে ভিতৰত খনাবাৰী চাহ বাগিচা ফুটবল দল আৰু চিৰাজুলি চাহ বাগিচা ফুটবল দলে অন্যান্য দল সমূহক পৰাস্ত কৰি চুৰান্ত খেলখনৰ বাবে সুযোগ লাভ কৰিছিল৷অতিকৈ উৎসাহ পূৰ্ণ খেলখনত চিৰাজুলি চাহ বাগিচা ফুটবল দলক পৰাস্ত কৰি ৩.০ গলত জয়ী হয় খনাবাৰী চাহ বাগিচা ফুটবল দল৷উক্ত প্ৰাইজমাণী খেল পৰিচালনা সমিতিৰ সভাপতি তথা শিঙৰী চাহ বাগিচাৰ মুখ্য পৰিচালক শ্ৰী লক্ষী মাঋিয়ে কয় শিঙৰী চাহ বাগিচাই প্ৰতিবছৰে এনেদৰে ফুটবল খেল অনুষ্ঠিত কৰি খেলুৱৈ সকলক উৎসাহ দি আহিছে আৰু আগন্তুক দিনতো অধিক উৎসাহেৰে খেল অনুষ্ঠিত কৰি যাৱ৷ফুটবল খেল পৰিচালনা সমিতিৰ সম্পাদক শ্ৰী ৰেবেন পান্না আৰু উপ সভাপতি অনিল দাহাংগাই নিয়ম নীতিৰ মাধ্যমৰে শৃংখলাবদ্ধ ভাৱে খেলত অংশগ্ৰহণ কৰা খেলুৱৈ সকলৰ লগতে শান্তিপূৰ্ণ ভাৱে খেল উপভোগ কৰা দৰ্শকলৈ আন্তৰিক অভিনন্দন জনায়৷ফুটবল খেল পৰিচালনা সমিতিৰ আমন্ত্ৰণ মৰ্মে কৃষক শ্ৰমিক সুৰক্ষা সংগ্ৰাম সমিতি অসমৰ কেন্দ্ৰীয় সভাপতি প্ৰশান্ত বৈশ্য,চিৰাজুলি চাহ বাগিচাৰ পৰিচালক পাণ্ডে চাহাব,আছাৰ শোণিতপুৰ জিলাৰ সভাপতি অমৰ্জীৎ কেৰ্কেটা,শিক্ষাগুৰু মুছলেম উদ্দিন আহমেদ,বিজেপিৰ চাহ মৰ্চাৰ সম্পাদক চানু কৰ্মকাৰ,স্থানীয় সমাজকৰ্মী কুলেশ্বৰ ওৰাং,আছাৰ বৰছলা আঞ্চলিকৰ সম্পাদক বচ্চন পান্না,স্বাস্থ্যকৰ্মী হেমন্ত বৈশ্যৰ লগতে সুৰেশ্বৰ চুনা উপস্থিত থাকে৷উক্ত খেলখনৰ আৰাম্ভনিৰে পৰা ৰেবেন পান্ন খেল পৰিচালক,ৰিকু পান্না আৰু ছুলমান আলিয়ে লাইনমেন হিচাপে সুচাৰুৰূপে ফুটবল খেল পৰিচালনা কৰে৷চুৰান্ত খেলত খনাবাৰী ফুটবল দলৰ খেলুৱৈ জেবিয়াৰ আইন্দ শ্ৰেষ্ঠ খেলুৱৈ হিচাপে নিৰ্বাচিত হয়৷
