চৰকাৰে ৰাইজৰ বাবে কৰা উন্নয়নৰ জয়ঢোল বজায় চৌদিশে ৰজনজনাই তোলাৰ সময়তে দলঙৰ আভাৱত নদী পাৰ হ’লে ৰাইজে ধন ভৰিব লগীয়া হোৱাৰ ঘটনাই উন্নয়নৰ ফোপোলা স্বৰূপটো উদঙাই দেখুওৱা বুলি ক’ব খোজে।অভিযোগ অনুসৰি দৰঙৰ ছিপাঝাৰৰ সানোৱা গাঁৱৰ সমীপৱৰ্তী ১ নং ধলপুৰ সংযোগী পথত থকা নদীত পাৰ হ’লে আজিও ভৰিব লাগে ধন।জানিব পৰা মতে মানুহ- বাইক ইপাৰ-সিপাৰ হ’লে দিব লাগে ৩০ টকা।এজন মানুহ পাৰ হ’লে দিব লাগে ৫ টকা। বয়-বস্তু পাৰ কৰালে দিব লাগে অতিৰিক্ত ধন।কথা হ’ল চৰকাৰে যি সময়ত ন-ন ফ্লাই অ’ভাৰ, আৰ চি চি দলং নিৰ্মাণ কৰি চমক দিব বিচাৰিছে তেন্তে সময়তে দলঙৰ অভাৱত নদীত পাৰ হ’লে ধন ভৰিব লগীয়া হোৱাৰ ঘটনাই চৰকাৰৰ উন্নয়নৰ ফোপোলা ছবিখন স্পষ্ট কৰিছে বুলি অভিযোগ উঠিছে।
