বাঘজানৰ বিধ্বংসী ঘটনা : অ’এনজিচিৰে জড়িত অনভিজ্ঞ কোম্পানীক প্ৰত্যাহাৰৰ দাবী ভাৰতীয় ৰাষ্ট্ৰীয় মজদুৰ কংগ্ৰেছৰ ।
দিলীপ হাজৰিকা :
কেন্দ্ৰীয় চৰকাৰে বৃহৎ বৃহৎ পুঁজিপতি গোষ্ঠীৰ স্বাৰ্থত খাৰুৱা তেল আৰু প্রাকৃতিক গেছৰ অনুসন্ধান, খনন আৰু উৎপাদন কাৰ্য্যত অইল আৰু অ’এনজিচিৰ দৰে দুই বৃহৎ ৰাজহুৱা খণ্ডৰ প্রতিষ্ঠানৰ সৈতে অনভিজ্ঞ তৈল কোম্পানীক জড়িত কৰাৰ বাবেই বাঘজানত এনে বিধ্বংসী ঘটনাৰ সূত্ৰপাত হোৱাৰ অভিযোগ উত্থাপন কৰিছে ভাৰতীয় মজদুৰ কংগ্ৰেছে। এক বিবৃত্তিত মজদুৰ সংঘটোৰ শিৱসাগৰ জিলা সমিতিৰ সম্পাদক পুৰ্ণকান্ত বুঢ়াগোহাঁয়ে উল্লেখ কৰে যে দেশৰ মহাৰত্ন কোম্পানীৰ মর্য্যদা প্ৰাপ্ত দুই প্রতিষ্ঠানত চৰকাৰে তেল আৰু প্রাকৃতিক গেছ অনুসন্ধান, খনন আৰু উৎপাদনৰ প্রক্রিয়াত সফল কৰি তুলিবলৈ অত্যাধুনিক প্ৰয়ুক্তি সমৃদ্ধ কৰাৰ পৰিবৰ্তে, এই ক্ষেত্রত ব্যক্তিগত কোম্পানীক এনে খনন উৎপাদনত জড়িত কৰাত অগ্রাধিকাব দিয়াৰ প্রৱণতা গঢ়ি তুলিছে। ইয়াৰ ফলশ্রুতিতেই অতি সাম্প্রতিকভাবে অইলৰ এলেকাধীন বাঘজান তেলখাদত গুজৰাটৰ ‘জহিম এৰ্নাজী’ নামৰ কোম্পানীটোৰ ৰীগ কার্য্য পৰিচালনাৰ কাৰিকৰী বিজুতি ঘটি অতি ভয়ংকব দুর্ঘটনা সংঘটিত হয়। এনে অদক্ষ, অনভিজ্ঞ কোম্পানীৰ দ্বাৰা সংঘটিত দূর্ঘটনাত অঞ্চলটোৰ বিস্তৰ ক্ষতি আৰু অসমৰ প্রকৃতিপদত্ত সম্পদ অনিষ্ট কৰা কার্য্য কোনো কাৰণতে মানি লোৱা নহয়। এই দূর্ঘটনাৰ প্রকৃত তথ্য, ইয়াৰ উৎস সম্পৰ্কে নিৰপেক্ষ তদন্ত কৰি ভৱিষ্যতে এনে দুর্ঘটনা পুনৰাবৃত্তি নহ’বৰ বাবে বিজ্ঞানসম্মতভাৱে ইতিবাচক কার্যব্যৱস্থা গ্রহণ আৰু বাঘজান অঞ্চলৰ ক্ষতিগ্রস্ত ৰাইজক উপযুক্ত ক্ষতিপূৰণ দিয়া, এই দুর্ঘটনাত নিহতক উচিত ক্ষতিপূৰণ-আহত সকলক উপযুক্ত চিকিৎসা প্ৰদান কৰিবলৈ দাবী জনাই ভাৰতীয় ৰাষ্ট্রীয় মজদুৰ কংগ্রেছ, শিবসাগৰ জিলা সমিতিয়ে। বিবৃত্তিত বুঢ়াগোঁহাইয়ে উল্লেখ কবে যে ভাৰত চৰকাৰৰ প্রত্যক্ষ বা পৰোক্ষ কোনো দুষ্ট চক্রৰ ব্যক্তিগত লাভালাভৰ পৰিকল্পনাৰে দেশৰ প্রকৃতি প্ৰদত্ত সম্পদ সমূহ লুণ্ঠন কবিবলৈ, অইন, অ’এনজিচিৰ দৰে প্রতিষ্ঠান সমূহক আঁতৰাই ৰাখি ব্যক্তিগত, অনভিজ্ঞ কোম্পানীসমূহক তেল আৰু প্রাকৃতিক গেছৰ অনুসন্ধান, খনন, উৎপাদনৰ কামত নিয়োজিত কৰিব বিচাৰিছে তাক শেহতীয়াভাৱে প্ৰমাণিত হৈছে। দেশৰ ৪৯ খন তেল পথাৰৰ লগতে অএনজিচিৰ ৭ খন তৈল পথাৰ তেনে দুটা অনভিজ্ঞ ব্যক্তিগত কোম্পানীকে দিয়া হৈছে। জানিব গৰা মতে অঅনজিচি অসম সম্পদৰ ডিমুৱালগাওঁ, সোনাৰি, নাহৰহাবি, চফ্ৰাই তেলপথাৰ দুৰ্দান্ত অইল এণ্ড নেচাৰেল গেচ প্ৰাঃলিঃক আৰু চাংমাই গাওঁ, পানীদিহিং, দিচাংমুখ তেলপথাৰ কেইখন উৰিষ্যাৰ ষ্টেভদ’ৰ প্ৰাঃলিঃ নামৰ কোম্পানী দুটাক অপৰ্ণ কৰা হৈছে। উল্লেখিত এই কোম্পানী দুটাৰ ভাৰতবর্ষ তথা ৰাষ্ট্রীয় তেল কোম্পানীৰ তালিকাত নিশাটোৰ ভিতৰতে তালিকাভুক্ত কৰা হৈছে যদিও তেল আৰু প্রাকৃতিক গেছ অনুসন্ধান, খনন-উৎপাদনব দিশত কোনো কাৰিকৰী দক্ষতা থকাৰ ইতিহাস নাই। এনে অনভিজ্ঞ তেল কোম্পানীক কোনো দুষ্ট চক্রই তেলপথাৰ গতাই দি অসমৰ প্রকৃতি পদত্ত জাতীয় সন্পদ লুষ্ঠনৰ তথা অদক্ষ কার্য্যপৰিচালনাৰ বাবে বাঘজানৰ দৰে দূর্ঘটনা পুনৰাবৃত্তি হোৱাত বাধা দিবলৈ অসমৰ ৰাইজে সংগবদ্ধ প্রচেষ্টাৰে প্রতিৰোধ সংগ্রাম গঢ়ি তুলিব লাগিব নেতাজনে উল্লেখ কৰে। এই ক্ষেত্রত ভাবতীয় ৰাষ্ট্রীয় মজদুৰ কংগ্রেছ, শিবসাগৰ জিলা সমিতিয়ে অনাগত দিনত সকলো সচেতন ৰাইজ, জাতীয় গণতান্ত্রিক সংগঠন, শ্রম সংগঠন, ৰাজনৈতিক দলক ঐক্যবন্ধ তথা ইতিবাচক পদক্ষেপ গ্রহণ কৰিবৰ বাবে আহ্বান জনাইছে।