নামখলাৰ হেঙালপাৰা গাঁৱৰ চাৰুলতা ৰাজবংশী কিডনী ৰোগত আক্ৰান্ত হৈ চিকিৎসাধীন ।

দ্বীপেন ডেকা :

দৰং জিলাৰ ছিপাঝাৰ সমষ্টিৰ অন্তৰ্গত হেঙালপাৰা গাঁৱৰ চাৰুলতা ৰাজবংশীৰ বৃক্কৰ জটিল ৰোগত আক্ৰান্ত হৈ গুৱাহাটী চিকিৎসা মহাবিদ্যালয়ত চিকিৎসাধীন হৈ আছে৷ অতি দুখীয়া তথা পেটে ভাতে খায় থকা এটা পৰিয়াল৷ পৰিয়াল বুলিবলৈ তেওঁৰ স্বামী আৰু বিশেষভাৱে সক্ষম একমাত্ৰ ল’ৰাজনেও নেদেখে এটা চকুৰে৷ ইফালে দুজনী ছোৱালী  বিয়া হৈ ইতিমধ্যে সংসাৰৰ মায়াৰ জালত৷ আলপৈচান ধৰিবলৈ কেৱল আছে তেওঁৰ স্বামী টংকেশ্বৰ ৰাজবংশী৷ দিন হাজিৰা কৰিব নগলে নাপায় খাব৷ ইফালে চিকিৎসাৰ নামত টংকেশ্বৰ ৰাজবংশীয়ে স্থাৱৰ অস্থাৱৰ সা-সম্পত্তি সকলো বিক্ৰী কৰি পোৱা নাই সুফল৷ চিকিৎসকে পৰামৰ্শ দিছে দুয়োটা যকৃত সলনি কৰিব৷ চিকিৎসকৰ পৰামৰ্শৰ পিচত মুৰত সৰগ ভাঙি পৰাৰ দৰে হ’ল টংকেশ্বৰ ৰাজবংশীৰ৷ সেয়েহে চাৰুলতা ৰাজবংশীৰ স্বামীয়ে ছিপাঝাৰ সমষ্টিৰ বিধায়ক বিনন্দ শইকীয়াৰ জৰিয়তে অসম চৰকাৰৰ স্বাস্থ্যমন্ত্ৰী হিমন্তবিশ্ব শৰ্মা ডাঙৰীয়া তথা অসমবাসীৰ ওচৰত হাতযোৰ কৰি সহায়ৰ হাত আগবঢ়াবলৈ অনুৰোধ জনাইছে৷