বাঘজান কাণ্ড : তিনিচুকীয়াত জাতি- জনগোষ্ঠীয় সংগঠনৰে আলোচনা মন্ত্ৰী পাটোৱাৰীৰ ।
তিনিচুকীয়া
বাঘজানৰ তেল গেছ ৱেলত অগ্নিকাণ্ডৰ ফলত দহখনৰো অধিক গাৱঁৰ প্ৰায় ৭৫০০ আতংকিত ৰাইজ আশ্ৰয় শিবিৰত থকাৰ পিছত আজি মন্ত্ৰী চন্দ্ৰমোহন পাটোৱাৰীৰ অধ্যক্ষতাত জিলা উপায়ুক্তৰ কাৰ্যালয় সভাকক্ষত এক সভা অনুষ্ঠিত হয় । সদৌ অসম মটক সন্মিলন, সদৌ অসম মটক যুৱ ছাত্ৰ সন্মিলন, মৰান ছাত্ৰ সন্থা আছা আটছা এ জে ৱাই চি পি আটাছু এচিএম এচ সংগঠনৰ প্ৰতিনিধিৰ লগত বাঘজান অগ্নিকাণ্ডৰ ৰ্নিবাপন সম্পৰ্কে আলোচনা কৰা হয় । বৰ্তমান আশ্ৰয় শিবিৰত থকা ক্ষতিগ্ৰস্থ পৰিয়ালক ৩০ হেজাৰ টকা প্ৰাথমিক সাহাৰ্য অইলৰ দ্বাৰা প্ৰদানৰ কথা মন্ত্ৰী গৰাকীয়ে কয় । শিবিৰত মন্ত্ৰীগৰাকীয়ে টুলুঙা মন্তব্য কৰাত সংগঠনৰ প্ৰতিনিধিয়ে ৰাইজৰ প্ৰশ্নৰ সন্মুখীন হোৱাৰ কথা উত্থাপন কৰাত মন্ত্ৰী গৰাকীয়ে তেনে পৰিস্থিতি মিডিয়াৰহে সৃষ্টী বুলি কয় । আলোচনাত অইল কতৃপক্ষৰে অহৰহ আলোচনা অব্যাহত ৰাখি থকাৰ কথা উল্লেখ কৰি অতি কমেও ১০ৰ পৰা ১৫ দিনৰ ভিতৰতহে অগ্নি ৰ্নিবাপন হব বুলি জানিবলৈ দিয়ে । আজিৰ সভাত কেন্দ্ৰীয় মন্ত্ৰী ৰামেশ্বৰ তেলী ৰাজ্য চৰকাৰৰ মন্ত্ৰী সঞ্জয় কিষান অতুল বৰা বিধায়ক ক্ৰমে বিনোদ হাজৰিকা বলীন চেতিয়া সুৰেন ফুকন তেৰছ গোৱালা ঊপায়ুক্ত ভাস্কৰ পেগু এডিজিপি জি পি সিং ডি আই জি জিৎমল দলে আৰক্ষী অধীক্ষক শিলাদিত্য চেতিয়া উপস্থিত থাকে ।