বৌদ্ধিক শিক্ষাৰ উপৰিও সাম্প্ৰতিক কালৰ আধুনিক জ্ঞান আৰু পাৰদৰ্শিতাৰ পৰিচয়ৰে নিজকে সমাজত প্ৰতিষ্ঠা কৰিব পাৰি। এই কথাষাৰৰ সত্যতা প্ৰমাণ কৰিবলৈ সক্ষম হৈছে কামৰূপ জিলাৰ বকো ৰাজহ চক্ৰৰ অন্তৰ্গত বকো বৰপাৰা গাওঁৰ শিশু শিল্পী আয়ুশী দত্তই। উল্লেখ্য যে ; যোৱা নিশা গোৱালপাৰা জিলাৰ দূধনৈস্থিত জনমন্দিৰত অনুষ্ঠিত হৈছিল মিষ্টাৰ এণ্ড মিছেছ লৱাৰ অসম ছিজন ২ ফেশ্বন শ্ব’। এই ফেশ্বন শ্ব’ত বকোৰ আয়ুশী দত্তই সৰ্বোচ্চ সন্মান অৰ্জন কৰিবলৈ সক্ষম হৈছে। ফেশ্বন শ্ব’ খনৰ উদ্যোক্তা আছিল কল্পনা ডালু আৰু বিচাৰক হিচাপে দায়িত্ব পালন কৰে অভিজিৎ তাহুই। এই ফেশ্বন শ্ব’ত তিনিচুকীয়া ; শিৱসাগৰ ; যোৰহাট ; ওদালগুৰি ; পাঠশালা ; কামৰূপ আৰু গুৱাহাটীকে ধৰি বহু ঠাইৰ প্ৰতিযোগীয়ে অংশগ্ৰহণ কৰিছিল। ইয়াৰ পিছতে কিউড শাখাত বকোৰ আয়ুশী দত্তই শ্ৰেষ্ঠ ফেশ্বনাৰ সন্মান অৰ্জন কৰে। এই খৱৰে বকোৰ সমাজ সচেতন নাগৰিকৰ মনত আনন্দ দিছে।
