তিনিচুকীয়া জিলাৰ মাৰ্ঘেৰিটা মহকুমাৰ কুমচাই গাওঁ পঞ্চায়তৰ অন্তৰ্গত নিঙ্গাম কালচাৰ এণ্ড লিটাৰেচী চচাইটিৰ উদ্যোগত ৩ আৰু ৪ ডিচেম্বৰ তাৰিখে দুদিনীয়া কাৰ্যসূচীৰে উদযাপন কৰা হয় টাই ভাষিক জনগোষ্ঠীৰ লোক সকলৰ নৱবৰ্ষ আদৰণি পয় পি মাও ২১১৬ উৎসৱ।
অঞ্চলটোত বসবাস কৰা টাই ফাঁকে, টাই তুৰুং, টাই খাময়াঙ,টাই খামতী,টাই আয়তন, টাই আহোম আদি জনগোষ্ঠীৰ লোক সকলে অতি উলহ মালহেৰে এই নৱবৰ্ষ পালন কৰা দেখা যায়। দুয়োটা দিনৰ কাৰ্যসূচীত সমন্বয় কলা কৃষ্টি প্ৰদৰ্শন,থাইলেণ্ডৰ পৰা আমন্ত্ৰণ কৰি অনা টাই সাংস্কৃতিক দল,অৰুণাচল প্ৰদেশৰ খুনচাৰ পৰা অহা টাই খামতী হেৰীতেজ কালচাৰ চচাইতি আৰু জাগুন নামফাইৰ টাই আহোম সাংস্কৃতিক দলৰ কলা কৃষ্টি প্ৰদৰ্শন আছিল অন্যতম।
এই উৎসৱত আমন্ত্ৰণ জনোৱা অতিথি সকলক লাহি চাউলেৰে বনোৱা টাই ফাঁকে জনগোষ্ঠীৰ পৰম্পৰাগত টং টেপ নামৰ এবিধ পিঠা আৰু চাহেৰে আপ্যায়ন কৰা হয় আৰু শেষত পৰম্পৰাগত সুস্বাদু খাদ্যসম্ভাৰেৰে সকলোকে আপ্যায়ন কৰা দেখা।