দিহিং-পাটকাই কয়লাৰ মুক্ত খননৰ বিৰোধিতা, বাঘজানৰ ক্ষতিগ্ৰস্থক ক্ষতিপুৰনৰ দাবীত প্ৰদেশ কংগ্ৰেছৰ প্ৰতিবাদ ।

তিনিচুকীয়া

দিহিং-পাটকাইত কয়লাৰ মুক্ত খনন আৰু ডিব্ৰু-ছৈখোৱাত হাইড্ৰ’কাৰ্বন খননৰ বাবে দিয়া অনুমতি প্ৰত্যাহাৰৰ দাবীৰ লগতেবাঘজানৰ তৈলখাদত হোৱা অগ্নিকাণ্ড যুদ্ধকালীনভাৱে ৰোধ কৰা আৰু দূৰ্ঘটনাটোৰ ফলত ক্ষতিগ্ৰস্ত হোৱা সকলক উপযুক্ত ক্ষতিপূৰন দিয়াৰ দাবীত তিনিচুকীয়া জিলা কগ্ৰেছ কমিটীৰ আহ্বানত তিনচুকীয়াৰ থানা চাৰিআলিত  আজি দিনৰ ১০ বজাৰ পৰা ১২ বজালৈ “অৱস্থান ধৰ্মঘট ” পালন কৰা হয় | ধৰ্মঘট স্থলিত তিনচুকীয়া জিলাৰ বিভিন্ন  প্ৰান্তৰ প্ৰায় পাচ শতাধিক কংগ্ৰেছ নেতা কৰ্মকৰ্তাই অংশগ্ৰহন কৰাৰ উপৰিও অসম প্ৰদেশ কংগ্ৰেছ কমিটীৰ  সভাপতি  ৰিপুন বৰা,সাংসদ ডাঙৰীয়া সহিত তিনচুকীয়া জিলা কংগ্ৰেছৰ সভাপতি জয়ন্ত কলিতা, প্ৰদেশ কংগ্ৰেছৰ সভাপতি ডাঙৰীয়াৰ লগত অহা প্ৰদেশ কংগ্ৰেছৰ মূখপত্ৰ  কমল কুমাৰ মেধী ,মূখপত্ৰ প্ৰফুল্ল দাস , সম্পাদক ৰাশ্মান্না বৰুৱাৰ লগতে জিলাখনক প্ৰতিনিধিত্ব কৰা প্ৰদেশ কংগ্ৰেছৰ বিষয়ববীয়া সকলে অংশগ্ৰহন কৰে | ধৰ্মঘট স্থলিত প্ৰদেশ কংগ্ৰেছৰ মূখপাত্ৰ কমল কুমাৰ মেধীয়ে তেখেতৰ বক্তব্যত বাঘজান বাসী তথা জৈৱ বৈচিত্ৰৰ  প্ৰতি অসংবেদনসীল অসম চৰকাৰ আৰু কেন্দ্ৰীয় চৰকাৰৰ নীতি আৰু উদাশীন মনোভাৱক তীব্ৰ ভাষাৰে সমালোচনা কৰে |বাঘজানৰ গেছ নিৰ্গত কান্ডৰ বাবে দোষী সকলৰ শাস্তি দাবী কৰাৰ লগতে ক্ষতিগ্ৰস্ত সকলক উপযুক্ত ক্ষতিপূৰন দিয়াৰ দাবী উত্থাপন কৰে | কেভিদ ১৯ ৰ পৰিপ্ৰেক্ষিতত ঘোষনা কৰা “ল’কডাউন “টোক চৰকাৰ খনে দল সংগঠনৰ আন্দোলন আৰু বিৰুধী দল সমূহৰ ৰাজনৈতিক  অধিকাৰ খৰ্ব কৰাৰ এক সুবিধা হিচাবেহে গ্ৰহন কৰিছে আৰু ক্ষমতাৰ অপপ্ৰয়োগৰে গনতান্ত্ৰিক ব্যৱস্থাটোকে ধ্বংস কৰিছে বুলি অভিযোগ কৰিছে | তাৰ শেহতীয়া উদাহৰন হিচাবে কৃষক নেতা অখিল গগৈৰ মুক্তিৰ দাবীত কৰা আন্দালনৰ অংশগ্ৰহনকাৰী সকলক “কোৱাৰেনটাইন চেন্টাৰ”লৈ প্ৰেৰন কৰা বিষয়টো উনুকিয়াই দিয়ে | দিহিং পাটকাই  আৰু বৰ্ষাৰন্যক স্বাৰ্থানেষী সকলৰ অপপ্ৰচাৰৰ বেহু ফালি যি কোনো ত্যাগৰ বিনিময়ত ৰক্ষা কৰিবই লাগিব বুলি কংগ্ৰেছ দলৰ অংগীকাৰৰ কথাও দোহাৰে |আনহাতে ধৰ্মঘট স্থলিত উপস্থিত কংগ্ৰেছ কাৰ্যকৰ্তা আৰু উপস্থিত থকা ৰাইজক উদ্যেশী দিয়া ভাষনত অসম প্ৰদেশ কংগ্ৰেছ কমিটীৰ মাননীয় সভাপতি শ্ৰীযুত ৰিপুন বৰা ডাঙৰীয়াই ২৭ মে’ৰ বাঘজানৰ দূৰ্ঘটনা সন্দৰ্ভত অঞ্চলটোৰ জনসাধাৰন আৰু জৈৱ বৈচিত্ৰৰ যি ক্ষতি হল তাৰ বাবে দূখ প্ৰকাশ কৰে | বাঘজানৰ ঘটনাই অঞ্চলটোৰ ৰাইজ, কিছু ৰাজনৈতিক অৰাজনৈতিক দল সংগঠন আৰু প্ৰকৃতি প্ৰেমী সকলে পূৰ্বতে যি সংশয় ব্যক্ত কৰিছিল সেয়া সত্য আছিল বুলি প্ৰমানিত হ’ল |এইটোও প্ৰমানিত হল যে,জৈৱ বৈচিত্ৰক সংৰক্ষন দিবলৈ আৰু জনসাধাৰনৰ ক্ষয়ক্ষতি নহবলৈ অইল কৰ্তৃপক্ষই লোৱা  ব্যৱস্থা সমূহ পৰ্যাপ্ত নাছিল | অসম চৰকাৰে ৰাজ্যখনৰ এজন অতিৰিক্ত মূখ্য সচিবৰ নেতৃত্বত যি তদন্ত কমিটী গঠন কৰিছে সেয়া কেতিয়াও ফলপ্ৰসু নহব  বৰঞ্চ কেন্দ্ৰীয় চৰকাৰৰ তদন্ত সংস্থা এটাৰ দ্বাৰা দূৰ্ঘতনাটোৰ সন্দৰ্ভত তদন্ত কৰি দোষীক উচিৎ শাস্তি দিয়াৰ দাবী জনায় | তাৰোপৰি দূৰ্ঘটনাস্থলিৰ জুই অতিসীঘ্ৰে নিৰ্বাপিত কৰি দূৰঘটনাৰ ফলত  অঞ্চলটোৰ জনসাধাৰনক নিজ নিজ ঘৰলৈ উভতি যোৱাৰ ব্যৱস্থা গ্ৰহন কৰিবলৈ আৰু  ক্ষতিগ্ৰস্থ সকলক তুৰন্তে  ” সৰল আৰু খৰতকীয়া” ব্যৱস্থাৰ মাজেৰে ক্ষতিপুৰন দিয়াৰ ব্যৱস্থা গ্ৰহন কৰাৰ দাবী উত্থাপন কৰে |আশ্ৰয় শিবিৰ সমূহ ভ্ৰমন কৰি স্বাক্ষুশ যি অভিজ্ঞতা,সেয়া অত্যন্ত বেদনাদায়ক বুলি উল্লেখ কৰি কয় যে,আশ্ৰয় শিবিৰ সমূহত স্বাস্থ্য সন্মত যি ব্যৱস্থা গ্ৰহন কৰিব লাগিছিল সেয়া মুঠেও কৰা নাই | আশ্ৰয় শিবিৰ বিলাকত পৰ্যাপ্ত শৌচাগাৰ,স্নানাগাৰ,পৰিস্কাৰ খোৱাপানীৰ অভাৱ পৰিলক্ষিত হৈছে আৰু বৰ্তমানৰ কোভিড ১৯ মহামাৰী এই সময়ত আশ্ৰয় শিবিৰ বিলাক বিধিমতে স্থাপন কৰি অঞ্চলটোৰ জনসাধাৰনক সুৰক্ষিত কৰি ৰখাৰ ব্যৱস্থা গ্ৰহন নকৰাত তেখেতে আশ্চৰ্য প্ৰকাশ কৰে আৰু অতিশীঘ্ৰে আশ্ৰয় শিৱিৰৰ প্ৰতিজন ব্যক্তিৰ স্বা্স্থ্য পৰিক্ষা কৰি জীৱনৰ নিৰাপত্তা প্ৰদান কৰিবলৈ দাবী জনায় | জিলা প্ৰশাষন তথা ৰাজ্য চৰকাৰখনে আশ্ৰয় শিৱিৰৰ পৰা আৰম্ভ কৰি সকলো ক্ষেত্ৰতে  নিৰ্বাচিত এখন চৰকাৰৰ জনসাধাৰনৰ প্ৰতি থকা দায়বদ্ধতাৰ নমুনাও প্ৰদৰ্শন নকৰি  অইল ইন্ডিয়াৰ ওচৰত আত্মসমৰ্পন কৰি এই ধৰনে দায়িত্ব পালন কেৱল বিজেপি দল আৰু চৰকাৰৰ বাবেহে সম্ভৱ বুলি তীৰ্যক মন্তব্য কৰে |  জনসাধাৰনৰ ভোটেৰে আজি  মূখ্যমন্ত্ৰী হোৱা ৰাজ্যৰ মূৰব্বী জনৰ আজি অতদিনে বাঘজানৰ জনসাধাৰনৰ ওচৰলৈ  অহাৰ সময়টো নহলেই আনকি অসম চৰকাৰে গেছ নিৰ্গত সমস্যা আৰু জুই জ্বলাৰ পিছত উদ্ভত হোৱা সমস্যা সন্দৰ্ভত ব্যৱস্থা গ্ৰহন কৰাৰ পৰাও বিৰত থাকিল | যি কেইজন মন্ত্ৰীয়ে বাঘজান ভ্ৰমন কৰি যি ধৰনৰ অবিৱেচকী ,উপলুঙা সূচক মন্তব্য দিলে সেইয়া জনসাধাৰনৰ প্ৰতি দায়িত্বশীল কোনো দল আৰু চৰকাৰৰ প্ৰতিনিধিয়ে কেতিয়াও কব নোৱাৰে আৰু  স্বাভাৱিক ভাৱেই ৰাইজ ক্ষোভিত হোৱাৰ লগতে চৰকাৰৰ প্ৰতি আস্থা হেৰুৱাই পেলাইছে |তেখেতে উল্লেখ কৰে যে,বৰ্তমানৰ বিজেপি চৰকাৰখনে জনসাধাৰনৰ ্ৰতি থকা তেওলোকৰ দায়িত্ব পাহৰি গল বিজেপি দল আৰু চৰকাৰখনৰ স্বৰূপ জনসাধাৰনৰ মাজত ওলাই পৰিল | বিজেপি দলে ভোটৰ সময়ত প্ৰতিশ্ৰুতিৰ বন্যা বোৱায় আৰু শাসন পালে জনসাধাৰনৰ দূখ যন্ত্ৰনা পাহৰি যায় | দিহিং পাটকাই সন্দৰ্ভত তেখেতে কয় যে, কিছু স্বাৰ্থান্বেশী দুষ্ট চক্ৰই কংগ্ৰেছৰ বিৰুদ্ধে অপপ্ৰচাৰত নামিছে |নৰ্থ ইষ্ট কল ফিলড কতৃপক্ষৰ এখন চাৰ্কোলাৰৰ অপবাখ্যা কৰি ৰাইজৰ মাজত প্ৰচাৰ কৰি মাৰ্ঘেৰীতা অঞ্চলৰ ৰাইজক বিপথে পৰিচালিত কৰিবলৈ চেষ্টা কৰিছে | উক্ত চাৰ্কোলাৰ খনৰ কতো নৰ্থ ইষ্ট কলফিল্ড বন্ধ হোৱাৰ উল্লেখ নাই | কংগ্ৰেছ দলে নৰ্থ ইষ্ট কল ফিল্ড বন্ধ হৈ যোৱাটো নিবিচাৰে | কংগ্ৰেছ দলে কয়লাৰ অবৈধ খনন আৰু অবৈধ কাৰবাৰ বন্ধ হোৱাটোহে বিচাৰে |দিহিং পাটকাই অভয়াৰন্য ,বৰ্ষাৰন্য ,আৰু জীৱকূল ৰক্ষা কৰাটোহে কংগ্ৰেছ দলে বিচাৰে ।

☞ যদি আপুনি আমাৰ ৰিপোৰ্ট পঢ়ি ভাল পাইছে, তেনেহ’লে ইয়াত ক্লিক কৰি আপুনি আমাৰ ফেচবুকত ‘লাইক‘ কৰিব পাৰে।