দৈনন্দিন বাৰ্তা
চৰকাৰীভাৱে ক’ৰোনা উপসৰ্গৰ তালিকাত সংযোজিত হ’ল আন দুটা উপসৰ্গ৷ হঠাৎ স্বাদ হেৰুৱা আৰু গোন্ধ নোপোৱা হ’ল এই উপসৰ্গ৷ উপসৰ্গৰ তালিকা বৃদ্ধি পোৱাক লৈ আলোচনা হৈছে ইতিমধ্যে৷ স্বাস্থ্য মন্ত্ৰালয়ৰ গাইডলাইন মতে আগতে আছিল সাতটা উপসৰ্গ৷ জ্বৰ, পানীলগা তথা কাঁহ, ক্লান্তি, স্বাসকষ্ট, পেশীত বিষ, ডিঙিৰ বিষ আৰু ডায়েৰীয়া৷ দেওবাৰে ৰাষ্ট্ৰীয় টাস্ক ফৰ্চৰ সভাত এই বিষয়টো লৈ আলোচনা হয়৷ স্বাস্থ্য মন্ত্ৰালয়ৰ সূত্ৰ মতে যিকোনো ফ্লু বা ইনফ্লুয়েঞ্জাৰ হ’লেই এই ধৰণৰ উপসৰ্গ দেখা যায়৷ ফলত পৃথক কৰি ইয়াক উপসৰ্গ হিচাপে বহুৱে ধৰিব নিবিচাৰে৷ কিন্তু আমেৰিকাত ‘স্বাদ নোপোৱা বা গোন্ধ নোপোৱা’ লক্ষণক ক’ভিড উপসৰ্গ বুলি তালিকাভুক্ত কৰা হৈছে৷ সেই দেশত বহু ৰোগী এই দুই উপসৰ্গৰ কথা ৰিপৰ্ট কৰিছে৷ এইবাৰ ভাৰতৰ স্বাস্থ্য মন্ত্ৰালয়েও এই দুই উপসর্গক ক’ভিডৰ উপসর্গ হিচাপে ঘোষণা কৰে৷