গৰৈমাৰীত কৃতি ছাত্ৰ-ছাত্ৰীক অভিনন্দন আইডিয়েল একাডেমিৰ ।

সোণতলী :

মহামাৰী কৰোণাৰ আতংকৰ  মাজতে সুখ্যাতিৰে উত্তীৰ্ণ হোৱা শিক্ষাৰ্থীক অভিনন্দন জনাবলৈ পাহৰা ৰাজ্যবাসীয়ে৷ সদ্যঘোষিত হাইস্কুল শিক্ষান্ত পৰীক্ষাত সুখ্যাতিৰ উত্তীৰ্ণ হোৱা শিক্ষাৰ্থীক সোমবাৰে অভিনন্দন জনালে গৰৈমাৰীস্থিত আইডিয়েল একাডেমিয়ে৷ উল্লেখ্য যে, এইবাৰৰ হাইস্কুল শিক্ষান্ত পৰীক্ষাত আইডিয়েল একাডেমি, গৰৈমাৰীৰ পৰা সৰ্বমুঠ ২৮ জন শিক্ষাৰ্থীয়ে পৰীক্ষাত অৱতীৰ্ণ হৈছিল৷  তাৰে এজনে ষ্টাৰ নম্বৰ লাভ কৰাৰ বিপৰিতে ৬ জনে প্ৰথম বিভাগত, ১৫ জন দ্বিতীয় বিভাগত আৰু ৩ জনে তৃতীয় বিভাগত উত্তীৰ্ণ হবলৈ সক্ষম হয়৷ স্মৰ্তব্য যে, একাডেমিখনৰ অধ্যক্ষ ছামচুল হকৰ পৌৰহিত্যত সম্পুৰ্ণ সামাজিক দুৰত্ব বজাই ৰাখি অনুষ্ঠিত হোৱা অভিনন্দন অনুষ্ঠানত উত্তীৰ্ণ হোৱা শিক্ষাৰ্থীক সকলক সম্বৰ্ধনা জনোৱাৰ বিপৰিতে লুইতপৰীয়া শিশু বিকাশ পৰিষদৰ ফালৰ পৰা গামোচা আৰু মানপত্ৰৰে সম্বৰ্ধনা জনোৱা হয়৷ উল্লেখযোগ্য যে, অনুষ্টপীয়াকৈ অনুষ্ঠিত হোৱা অভিনন্দন অনুষ্ঠানত লুইতপৰীয়া শিশু বিকাশ পৰিষদৰ সম্পাদক আমিন জাহিদুল আলম, উপ-সভাপতি আবুল হুছেইন, সহ সম্পাদক মস্তফা হুছেইনকে প্ৰমুখ্য কৰি বহু গন্য মান্য ব্যক্তি উপস্থিত থাকি ছাত্ৰ-ছাত্ৰীৰ উদ্দেশ্য ভাষণ প্ৰদান কৰে৷

☞ যদি আপুনি আমাৰ ৰিপোৰ্ট পঢ়ি ভাল পাইছে, তেনেহ’লে ইয়াত ক্লিক কৰি আপুনি আমাক ফেচবুকত ‘লাইক‘ কৰিব পাৰে।