হোজাইত আছাম টার্গেটেড ছার্ভিলিয়েঞ্চ প্রগ্রাম ” (ATSP)। এসপ্তাহৰ ভিতৰত ৫০ হেজাৰতকৈ অধিক লােকৰ কোভিড -১৯ সম্বন্ধীয় স্বাস্থ্য পৰীক্ষা কৰা হব।
হোজাই :
সমগ্ৰ দেশৰ লগতে অসমতাে কভিড – ১৯’ক আৰু অধিক কাৰ্য্যকৰীভাৱে প্ৰতিৰােধ আৰু নির্মুল কৰাৰ লক্ষ্যৰে অসমৰ স্বাস্থ্য বিভাগে ১৭ জুন ২০২০ তাৰিখৰ পৰা “ আছাম টার্গেটেড ছার্ভিলিয়েঞ্চ প্রগ্রাম ” ( ATSP ) শীর্ষক এক গুৰুত্বপূৰ্ণ কাৰ্যসূচী হাতত লৈছে । ইয়াৰ অধীনত সংক্রমণৰ সম্ভাৱনা থকা অঞ্চল সমূহত আগন্তুক এসপ্তাহৰ ভিতৰত ৫০ হেজাৰতকৈ অধিক লােকৰ কোভিড -১৯ সম্বন্ধীয় স্বাস্থ্য পৰীক্ষা কৰা হব । এই কাৰ্য্যসূচীৰ অধীনত আৰক্ষীকে ধৰি তৃণমূল পৰ্য্যায়ত কৰ্মৰত বিষয়া সকল , চিকিৎসক , নার্চ , আশাকর্মী সকল , ট্রাক পার্কিং স্থান , সামগ্রী উঠোৱা- নমােৱা কেন্দ্র , গুদামঘৰ , ৱে ব্রীজ , ধাবা আদিত কৰ্মৰত লােকৰ পৰা এই স্বাস্থ্য পৰীক্ষা কৰা হব । তাৰােপৰি নিলগীকৰণ কেন্দ্র হিচাবে ব্যৱহাৰ কৰা হােটেল কর্মচাৰীকে ধৰি প্রতিষ্ঠানিক নিলগীকৰণৰ পৰা মুকলি কৰা ব্যক্তিৰ বাসগৃহৰ পৰিয়ালৰ সদস্য আৰু সহ – আৱাসীসকলকো ATSP ৰ অধীনত সামৰি লােৱা হব । এই কাৰ্য্যসুচীৰ লগত সংগতি ৰাখি আজি হােজাই জিলাতাে উপায়ুক্ত কাৰ্যালয়ৰ সভাকক্ষত স্বাস্থ্য বিভাগৰ তত্বাৱধনাত কভিড -১৯ প্ৰতিৰােধৰ লগত জৰিত বিভিন্ন বিষয়া আৰু কৰ্মচাৰী সকলৰ উপস্থিতিত হােজাই জিলাৰ উপায়ুক্ত ডাঃ সদনেক সিংয়ে এই কাৰ্য্যসুচীৰ শুভাৰম্ভ কৰে । এই কৰ্য্যসূচীত উপায়ুক্ত ডাঃ সদনেক সিং , অতিৰিক্ত উপায়ুক্ত প্রশান্ত বৰুৱা , অতিৰিক্ত উপায়ুক্ত গৌৰী শংকৰ দাস , উপ – আৰক্ষী তাধীক্ষক সুমন চক্রবর্তী , সহকাৰী আয়ুক্ত ডেভিদ কুমাৰ বৰা আদি কৰি প্রায় ৩০০ জন বিভিন্ন বিষয়া-কৰ্মচাৰীয়ে নিজৰ নিজৰ স্বাৱ নমুনা পৰীক্ষণৰ বাবে প্রদান কৰে