আপুনি কেনেধৰণৰ খাদ্য গ্ৰহণ কৰে?
আমি এনে কিছুমান খাদ্য গ্ৰহণ কৰিব লাগে যাতে আমি আমাৰ স্বাস্থ্য ভালে ৰাখিব পাৰো।এনে কিছুমান খাদ্য আছে যি সমূহ খাদ্য গ্ৰহণ কৰিলে আপুনি আপোনাৰ ১৫ বছৰ আয়ুস বৃদ্ধি কৰিব পাৰিব।এনে খাদ্য সমূহৰ ভিতৰত কি কি পৰে জানক!এই পাঁচবিধ খাদ্যৰ ভিতৰত প্ৰথমবিধ হৈছে দৈ।দৈত প্ৰচুৰ পৰিমাণে প্ৰ’টিন আৰু কেলচিয়াম থাকে।প্ৰ’টিনে আপোনাৰ মাংস পেশী শক্তিশালী কৰে।কেলচিয়ামে হাড় শক্তিশালী কৰে।আনহাতে দৈয়ে হজম শক্তি বৃদ্ধি কৰে ।হজম শক্তি বৃদ্ধি হ’লে মানুহৰ বেমাৰ আজাৰো কম হয় তাৰ ফলত মানুহৰ আয়ুস বা বয়স বৃদ্ধি হয়।গৰম দিনত দৈ খোৱাটো স্বাস্থ্যৰ বাবেও ভাল।
দ্বিতীয় খাদ্যবিধ হৈছে কমলা টেঙা।ৰক্ত সঞ্চালনৰ বাবে কমলা অতি উপকাৰী
কমলাই শৰীৰৰ প্ৰতিটো অংগলৈ ৰক্ত সঞ্চালনৰ বাবে সহায় কৰে।তাৰ ফলত আপোনাৰ শৰীৰৰ অংগ সমূহ সুস্থ সবল হৈ থাকিব।হৃদযন্ত্ৰৰ বাবেও কমলা টেঙা ভাল।আপুনি যদি নিয়মীত কমলা খাই তেন্তে আপোনাৰ হাৰ্টৰ অসুখ হোৱাৰ সম্ভাৱনা কম থাকিব।
তৃতীয় বিধ খাদ্য হৈছে গাজৰ ।গাজৰে আপোনাৰ চকুহাল ভালে ৰাখে।গাজৰে দুৰ্বল চকু সবল কৰাত সহায় কৰে।গাজৰ দৈনিক খালে আপোনাৰ দৃষ্টিশক্তি কেতিয়াও নকমে ।গাজৰে স্মৃতি শক্তি বৃদ্ধিতো সহায় কৰে,সেয়ে শিশুৰ খাদ্যৰ তালিকাত গাজৰ থাকিব লাগে।শিশুক যদি দৈনিক গাজৰ বা গাজৰৰ ৰস খোৱাই তেন্তে শিশুটিৰ স্মৃতি শক্তি বৃদ্ধি পাব।
চতুৰ্থ বিধ খাদ্য হৈছে বিলাহী।বিলাহী শৰীৰ বাবে অত্যন্ত উপকাৰী।বিলাহীত ভিটামিন ‘C’ আৰু ‘A’
থাকে।ভিটামিন A য়ে দৃষ্টি শক্তি বৃদ্ধি কৰে।ছালৰ উজ্জ্বলতা বৃদ্ধিত সহায় কৰে বিলাহীয়ে।আপুনি যদি দৈনিক বিলাহী খাই তেন্তে আপোনাৰ ছাল ভালে থাকিব।বিলাহী ৰস আৰু দৈ মিহলি কৰি যদি আপুনি মুখত লগাই তেতিয়া আপোনাৰ মুখৰ উজ্জ্বলতা বৃদ্ধি পাব।
শেষৰ বিধ খাদ্য হৈছে পালেং শাক।পৃথিৱীৰ পুষ্টিকৰ খাদ্য সমূহৰ ভিতৰত অন্যতম পুষ্টিকৰ খাদ্য হৈছে পালেং।পালেংত ভিটামিন ‘K’ থাকে।যিয়ে হাড় মজবুত কৰাত সহায় কৰে।পালেংত জিং আৰু মেগনেছিয়ামো থাকে।ই হাই ব্লাড প্ৰেছাৰো নিয়ন্ত্ৰণ কৰে।ই শৰীৰ ৰোগ প্ৰতিৰোধ কৰাৰ লগতে টোপনি যোৱাত সহায় কৰে।আপুনি যদি টোপনি সমস্যাত ভুগিছে তেন্তে আপুনি খাদ্য তালিকাত পালেং অন্তভুক্ত কৰিব পাৰে।